Imajem : Minoridade kontinua faan iha luron, Timor Plaza, 01/06/2024.
SAPNewsTL, Dili – Iha Tinan 1990, Assembleia Internasional Organizasões Nações Unidas (ONU) Ne’ebe involve husi 190 Países husi 192 Países Hamutuk Dekreta Loron 1 Fulan Junhu hanesan Loron Mundial Ba Labarik Sira Hotu iha Mundu.
Loron 1 Fulan Junhu 2024, Nasaun Hotu iha Mundu Selebra Loron internasional ba Labarik Sira, inklui Nasaun Doben Timor-Leste.
Timor-Leste ne’ebe restaura nia independência iha tinan 2002, Hafoin Ukun Rasik An Timor Leste mos opta Ka adapta an ho konvensaun Direitu Labarik ne’ebé define katak labarik Mak ema ne’ebe ho idade 0 to’o 18, Deklarasaun Universal dos Direitos Humanos no Konvensaun Internasional sira seluk sempre fo prioridade ba bem estar Sosial Labarik Sira nian
Durante Ukun Rasik An, Estadu Timor Leste hamutuk ho parseria internasional sira mos Kontinua halo investimentu ba desenvolvimentu sosial hanesan Edukasaun, Saúde, Agrikultura inklui setor Sira seluk hodi Proteje, Liberta no forma Labarik.
La to’o de’it iha ne’e, Guvernu mos liu husi ministériu solidariedade sosial estabelese programa bolsa da mãe, setor saúde ne’ebé sempre fo tratamentu gratuita ba Inan isin rua Sira, Bebê Sira, inklui setor Edukasaun ne’ebe fo Ensinu gratuita husi primáriu to’o sekundaria.
Maske nune’e, Maibé iha setor Ekonomia ne’ebe sai Kritiku tanba númeru Kiak tuir dadus multidimensional Timor Leste Régistu Kiak ho 42% no kiak númeru 1 iha ASEAN, Dezempregu aumenta ba 9,6%, Labarik barak Kontinua faan Sasan iha dalan Ninin, Labarik sira halo servisu ema boot nian, Labarik barak la eskola, Labarik sei Malnutrisaun Ka Raes Badak.
Espera ho loron Mundial Ba Labarik ne’e, Governu dasia bele kontribui makas liutan hodi reduz númeru Malnutrisaun, Kiak, asegura direitu kiik oan sira, no halo tratamentu ne’ebé Justu, igual, sein Diskriminasaun ba Sidadaun hotu no lá husik ema ida hela iha kotuk.
Jornalista: Eleonora Fátima dos Santos