Imajem : Ema ho Deficiente (EhD ibun) Lucia de Fátima Bose
SAPNewsTL, RAEOA : Ema ho Deficiente (EhD ibun) Lucia de Fátima Bose ho idade tinan 12 moris iha kondisaun defisiente ibun, maske nune’e maibe nia ba eskola no iha mehi ba futuru ne’ebe diak liu.
Naran : Lucia de Fátima Bose
Tina. : 12 anos
Suku. : Ban,afi
Aldeia. : Neofmetan
Bairo. : Lole
Posto admn : Sub-Rejiaun Nitibe/ RAEOA
Eskola iha. : EBF.12 Kusi
Klase. : 3 ano
Aman naran : Francisco Bose
Inan naran : Florinda Nautos Falo
Tuir informasaun ne’ebe Mídia Sapnews hetan asesu hosi kontributor SAPNews iha Rejiaun Administrativa Espesial Oe-Cusse Ambeno (RAEOA) Sergio Lelan haktuir katak Lucia de Fátima Bose moris ho kondisaun defisiente ibun no moris iha família ne’ebe ekonomia mihis. Nune’e família laiha kbiit hodi fasilita oan feto atu halo tratamentu ba nia kondisaun ibun.
Família ne’ebe Lucia moris ba hamutuk na’in neen (6), entre sira família mos fasilita nia hodi ba eskola, nune’e nia bele aprende lee, hakerek, koalia no prepara ninia an ba futuru tanba futuru laiha na’in, ema ne’ebe iha futuru mak ema ne’ebe hatene halo esforsu, servisu makaas no prepara an.
Wainhira kontributor ne’e ba hakbesik Lucia hodi akompanha ninia prosesu aprendizagem, nia iha koragem, entusiasmu no oin midar hodi aprende ho haksolok no nakonu ho esperança.
Durante ne’e inan aman hosi difisiente ibun halo esforsu hodi halo kurativu desde nia moris maibe ekonomia família mihis, infelizmente la konsege kura to’o ohin loron.
Lucia de Fátima eskola iha Ensinu Báziku Fillial 12 Kusi, Sub-Rejiaun Nítibe, RAEOA, nia moris iha família ne’ebe susar, hela iha uma ho kondisaun aat, no sofre defisiente iha ibun.
Luicia de Fátima Bose kaer lapiseira no kadernu ida ho koragem hodi hakerek no pinta rasik ninia futuru.
To’o ohin loron, seidauk hetan asesu ba fundu segurança sosial hodi goza direitu hanesan ho EhD sira seluk iha Timor-Leste.
Sidadaun EhD barak iha RAEOA seidauk hetan osan ba Ema ho Defisiente iha RAEOA, maske autoridade relevante sira iha ona informasaun ba sidadaun hirak ne’e.
Timoroan sira ne’ebe iha kbiit naton hodi apoia bele informa mai ekipa SAPNews hodi bele apoia nia iha futuru.