Imajem Ministeiru Agrikultura no Pesca (MAP) asina memorandu of understanding (MoU) ho World Vision Timor-Leste(WVTL), iha salaun reuniaun Uma Tradisional Comoro, Dili tersa (07/03/2023).
SAPNewsTL DILI – Ministeiru Agrikultura no Pesca (MAP) asina memorandu of understanding (MoU) ho World Vision Timor-Leste(WVTL) kona ba tecnical agreement better food Health project phase 2, hodi hamenus mal nutrisaun iha Timor-Leste liuliu iha Munisipiu Aileu, Baucau, Bobonaru no Covalima.
“Atividade ohin ne’e MAP asina nota intendimentu ida ho ita nian parseiru dezenvolvimentu WVTL, ne’ebe agrimentu halao kna’ar ona iha Timor-Leste, ohin loron ita nafatin kontinua, hodi hametin liu tan ita nian servisu hamutuk hodi hafoun ita nian governu liu husi MAP hodi mantein amizade hamenus mal nutrisaun iha Timor-Leste”.dehan MAP Pedro Dos Reis iha salaun reuniaun Uma Tradisional Comoro, Dili tersa (07/03/2023).
Ministru hatutan, Timor-Leste nu’udar nasaun foun no enfrenta difikuldade oioin hanesan mal nutrisaun ka raes badak tanba ne’e governu servisu hamutuk ho parseiru sira seluk liu husi MAP, sira asina MoU ne’e ida ne’ebe diak tebes hodi tulun estadu atu bele hasa’e produtu no hadia mal nutrisaun no rais badak, iha rai laran tanba ida ne’e mak espera katak prolonga nota intedimentu hodi halo forti liu tan servisu MAP nian iha futuru
Iha fatin hanesan, National Director World Vision Timor-Leste Jared Berend hatete, projetu ne’ebe mak atu implementa husi MOU ne’e mak hodi hadia ai-han no saude diak iha munisipiu haat ne’ebe mak hetan fundus husi governu Australia, Mensiona katak ami nia projetu ne’e hare liu kona-ba ai-han di’ak no saude di’ak ne’ebe mak implementa ba munisipiu haat mak hanesan Aileu, Baucau, Bobonaro no Covalima
“Projetu ne’ebe mak ita atu implementa husi MOU ne’e mak hodi hadia ai-han no saude diak iha munisipiu haat ne’ebe mak ita hetan ona fundu husi governu Australia, mensiona katak ami nia projetu ne’e hare liu kona-ba ai-han di’ak no saude di’ak ne’ebe mak implementa ba munisipiu haat mak hanesan Aileu, Baucau, Bobonaro no cova-lima, ami nian projetu ne’e implementa iha munisipiu haat ami promove ai han super mak iha tipo hanesan, marungi, mantolun, koto, forkeli, formungu, ne’ebe importante tebes ba inan isin rua no mos ba labarik kiik sira iha tinan lima mai kraik”, nia informa
Jared akresenta tan, dadus mal nutrisaun iha Timor-Lesteno inan isin rua iha problema ran-menus sai problematiku tanba ne’e WVTL komitidu atu servisu hamutuk ho ministeriu sira sai parseiru, malnutrisaun sai hanesan problema tempo naruk nian ba nasaun, sira nia dadus projetu hatudu katak raes-badak, Krekas no todan menus aas liu entre labarik tinan lima mai kraik, maizu-menus 50%, inan isin rua iha problema ran-menus (Anaemia) kauza husi malnutrisaun ne komplikadu tebes no ida ne’e laiha organizasaun ida mak bele rezolve situasaun ida ne,e servisu hamutuk atu hadia , WVTL komitidu atu servisu hamutuk ho ministerio sira no parseiro sira seluk, espesialmente MAP atu lori mudansa sustentavel nutrisaun ba komunidade sira ne’ebe mukit liu.
Entertantu, World Vision Timor-Leste komitidu atu suporta guvernu Timor-Leste hodi atinji planu ba dezenvolvimentu sira, nebe refere ba planu estratejiku prioridade ba setor agrikultura inklui hadia seguransa ai han, hamenus kiak iha area rural halo transformasaun husi agrikultura subsistensia ba komersial, promove ambiente ne’ebe sustentavel no konserva rekursu naturais Timor-Leste nian
Enkuantu, Problema mal nutrisaun iha Timor Leste atinji ona 48%, Problema Probreza Multidimensional 48%, Laiha Seguransa Alimentar 36%, Dezempregu 9,6%.
Reportajen: Esmeralda da Silva