Imajem Ministeriu Administrasaun Estatal (MAE) asina MoU ho governu Japaun no United Nations Development Programme (UNDP)
SAPNewsTL, Dili: Ministeriu Administrasaun Estatal (MAE) halo parseriu ho governu Japaun no United Nations Development Programme (UNDP) tanba hakarak povu iha Timor-Leste liuliu munisipiu Liquisa, Ermera, Bobonaro no RAEOA ne’ebe sei hare’e liu ba estrada, ponte, uma, bee mos no sentru saude ba komunidade sira hela iha areia rurais.
“Ita apresia tebes ho apoiu fornese husi Governo Japaun ho UNDP progarma ida ne’e iha munsipiu 3 inklui RAEOA hodi ajuda komunidade sira mak hela iha areia rural no orgullo tebes ho parseriu desenvolvimetu sira fo fiar ba governu liu husi sistema implementasaun desenvolvimentu infraestrutura hanesan PNDS, estrada, ponte, sintina, sentru saude no uma”, dehan Ministru Administrasaun Estatal Miguel Pereira de Carvalho ba jornalista iha Uma Kofi Anan Caicoli ( 28/ 02/ 2023).
Ministeriu Administrasaun Estatal (MAE) Miguel Pereira de Carvalho
Ministru hatutan, apoiu sira husi parseriu desenvolvimentu Governu Japaun ho UNDP ne’e halo povu sira hela iha areia rural kontente tebes, liuliu komunidade husi munispiu haat ne’e apresia tebes, iha ne’ebe suporta ona osan ba material no PNDS sira hodi ajuda ona povu sira ne’ebe mak hela iha area rural hodi bele asesu ba atividade loron loron nian.
Iha fatin hanesan, Embaixador Japaun ba Timor Leste Kimura Tetsuya hatete, asinatura projeitu ida ne’e atu apoiu ba komunidade sira iha area rural no mos Japaun serbisu hamutuk ho governu Timor-Leste iha areia oioin hanesan infraestrutura, saude, no mos projeitu ida ne’e foka liu ba nesesidade baziku
“Ita halo asinatura projeitu ida ne’e atu apoiu ba komunidade sira iha area rural no mos ami serbisu hamutuk ho governu Timor-Leste iha areia oioin hanesan infraestrutura, saude, no mos projeitu ida ne’e ita foka liu ba nesesidade baziku”, tenik Kimura
Imajem Embaixador Japaun ba Timor Leste Kimura Tetsuya
Kimura akresenta, apoiu ne’e ba komunidade sira total uma kain 16.000 iha Munisipiu Likisa, Ermera, Bobonaro no RAEOA sira atu komunidade sira hela iha area rural bele hela iha uma diak no viajen ba mai”, tenik Kimura
Iha sorin seluk reprezentante UNDP Munkhtuya Altangerel dehan, kuaze 65 % husi uma – kain sira ne’ebé la’ós kiak iha Timor – Leste iha asesu ba fasilidade saneamentu ne’ebé diak, tuir análiza bazeia ba dadus WASH husi OMS no UNICEF iha tinan 2021 saneamentu partikularmente dezafiu tanba 43 % husi populasaun tomak laiha asesu ba saneamentu báziku no 14 % husi populasaun tomak laiha bee moos báziku, problema ida ne’ebé aas liu 19 % ba populasaun rurál sira, oportunidade empregu limitadu tebes tanba setór públiku mak empregadór bo’ot sira, setór privadu limitadu tebes no ekonomia la diversifikadu .
Imajem UNDP Munkhtuya Altangerel
Reprezentante UNDP informa, projetu ida ne’e projetu infraestrutura komunitaria ba reziliensia – sei foka liu ba konstrusaun iha unidade infraestrutura hamutuk 40 ne’ebé inklui sistema bee mos, sentina publika, ponte, sentru saúde inan nian, sistema koá bee – matan, gabion / hasa’e moru no sentru saude ba komunidade sira hodi hetan asesu di’ak liu ba infraestrutura komunitária, sei permite sira atu hetan asesu di’ak liu ba servisu oioin, projetu ne’e sei benefisia totál uma – kain 16,000, individuál na’in 75,000 ( 47 % feto ) iha munisipiu 4 Liquica , Ermera , Bobonaro no RAEOA .
Enkuantu, Munkhtuya afirma, projetu ne’e presiza rekursu totál 5,153,665 USD ne’ebé sei finansia husi governu Japaun no rekursu TRAC UNDP ho montante 4,853,665 USD no 300,000 USD , respetivamente . Projetu ne’e sei implementa durante tinan haat nia laran husi tinan 2023 to’o 2027.
Jornalista Antonio Tilman & Marcella Lemos.