Imajem : Boxista Délio Anzaqeci Mouzinho iha Surabaya,13/10/2024. Foto : Sosial Media
SAPNewsTL, Dili : Boxista Délio Anzaqeci Mouzinho manan boxista Marcello iha eventu Boxe Profisionál, HW Sport Night Volume III iha Surabaya, Indonésia.
Boxista Timoroan Delio Anzaqeci Mouzinho manan Marcello iha ronda dahuluk maiz menus minutu ida (1), tanba Délio Mouzinho hamonu Marcello liu hosi tuku ba oin iha inisiu jogu.
Hafoin konkista vitória, Délio Mouzinho hatun publikasaun iha nia ID Facebook katak nia parte fo agradese no obrigadu ba ema hotu ne’ebé suporta nia iha eventu internasionál refere.
“Ha’u nia rai doben Timor-Leste, Ha’u prontu tane as iha Mundu boxing, obrigadu barak ba imi hotu nia suporta no moral, hakuak boot ba povo tomak”. Boxista Délio Mouzino sita liu hosi nia publikasaun iha facebook Délio Anzaqueci Mouzinho, Surabaya,13/10/2024. SAPNewsTL Screenshot
Estrutura El-Matador Boxing Club mós fo agradese ba Emprezáriu Esperansa Timor Oan (EGO) Nilton Gusmão no Divita Gropu (DG) Fernando da Silva ne’ebé apoia finanseiru hodi fasilita ekipa sira nia nesesidade iha Surabaya,Indonésia.
“Obrigadu Barak ba Irmaun Nílton Gusmão (ETO) no Irmaun Fernando Da Silva (DIVITA GROUP) ne’ebé minutu ikus ne’e kontaktu no kontribui hela mós osan natoon hodi atende nesesidade komsumu hanesan “Bee hemu” ba ekipa ne’ebé daudauk ne’e iha ona Surabaya-Indonézia, molok kompete iha HW SPORT NIGHT VOLUME III”.
“Agradese tebes tanba ho inisiativa di’ak fó apoiu ne’e. Espera katak ba tempu tuir mai ita nafatin hamutuk apoiu ita nia Boxista sira hodi lori Timor ba Mundu. Hakuak boot Irmaun na’in rua”. Sublinha iha Pajina El-Matador Boxing Group, iha loron 11/10/2024.
Imajem : Delio Mouzinho kontra Marcello iha Surabaya
El-Matador Boxing Club mós fo agradese ba Fransisco Monteiro, Nurima Ribeiro Alkatiri , Oscar Lima, Raul Lemos, Nitobay no apoiu tekniku bankada opozisaun (FRETILIN) iha Parlamentu Nasionál no sira seluk ne’ebé antes ne’e apoia ekipa.
“El-Matador Boxing CLUB ho naran Estrutura no Boxista tomak hato’o obrigadu barak ba Timor-oan sira ne’ebé konsege kontribui kuota (osan) natoon hodi ita nia ekipa ba partisipa eventu Boxe professional, HW SPORT NIGHT VOLUME III iha Surabaya-Indonézia”. SAPNews Screeshot
“Hahú hosi Fransisco Monteiro, Nurima Ribeiro Alkatiri, Oscar Lima, Raul Lemos, Nitobay no apoiu tekniku bankada opozisaun (FRETILIN) iha Parlamentu Nasionál no Kompañia Timor-oan, Caltech Group , Boralla, Sales Luís, NOC, Maxxis no sira seluk ne’ebé antes ne’e apoia ekipa”. SAPNews Screeshot
Enkuantu, notísia kompletu eventu Boxe Profisionál, HW Sport Night Volume III iha Surabaya, Indonésia. SAPNews sei kolleta no publika iha tempu badak.
Jornalista : Daniel da Silva