Imajem : Vise MCI Agusto Junior hamutuk ho parseiru internasional sira iha Timor-Plaza, 16/07/2024
SAPNewsTL, Dìli – Ministério Comercio Industria (MCI) hamutuk ho ekipa tomak servisu ho United Nations Traning Assistance Teams (UNTAT), Uniaun Europeia (UE) realiza workshop durante loron tolu hodi halo konsultasaun nasionál kona-ba dezenvolvimentu komersiu eletróniku ba Timor-Leste.
Vice Ministro Comércio Industria (MCI, sila português) Agustu Junior Trindade hateten, iha pontu importante ne’ebé koloka hodi konsulta ba liña ministerial sira ne’ebé finansia liu husi Uniaun Europeia ba programa dezenvolvimentu Eletronikal-komersiu.
Vice Ministro Comércio Industria ne’e hateten, prosesu dizitalijasaun iha Timor-Leste la’o makas tebes no agora hahu iha konektividade ho vibra-ótika, nune’e Timor-Leste presiza adapta situasaun global atu adere sai membru Asean.
“Ohin loron prosesu dizilitasaun la’o makaas teb-tebes, entaun ita agora konektividade hahu ona ho vibra-otika ita presiza adapta ba situasaun global undu nian, atu adere hodi sai hanesan membru Asean nian, oinsa ita halo ajuntamentu ba prosesu sira ne’e tomak tanba ne’e UNTAT ho Uniaun Europeia haree katak programa ida ne’e importante teb-tebes atu ita bele uza ona E-commerce nian.” Dehan Vice Ministro Comércio Industria MCI, Agustu Junior Triendade ba jornalista sira iha Timor plaza Maubara Room, Terça (16/07/2024)
Vice Ministro Comércio Industria Agustu Junior Trindade
Vice Ministro Comércio Industria Agustu Junior Trindade salienta, ita presiza konsulta ho di’ak oinsa bele utiliza lolos prosesu E-komersiu, no tenke aprende oinsa uza sistema digital iha era agora ho justu, nune’e iha futuru mai bele utiliza de’it sistema elektroniku.
“Programa ne’ebé esensial liu mak konsulta, oinsa utilizasaun lolos ba prosesu E-komersiu ne’e rasik hanesan iha fatin hotu-hotu ema tuir enkontu ka workshop ruma la uza ona suratahan ho lapizeira ne’ebé tau iha meza leten maibé tenke uza sistema dizitalizasaun sira ne’e ho justu, nune’e ba futuru uza ho sistema eletronika nian”. Vice Ministro Comércio Industria Agustu Junior Triendade akresenta.
Vice Ministro Comércio Industria ne’e fo agradese ba United Nations Training Assistance Teams ne’ebé apoiu teknikamente servisu hotu ne’ebé iha relasaun ho dezenvolvimetu komersiu eletroniku no agradese mos ba União Europeia ne’ebé finansia atividade ne’e durante loron tolu.
“Hato’o mós obrigadu ba United Nations Traning Assistance Teams, ne’ebé durante ne’e apoiu ona teknikamente servisu hotu-hotu ne’ebé iha relasaun ho dezenvolvimetu E-commerce nian, agradese mos União Europeia ne’ebé finansia ba atividade ida ne’e ba loron tolu nia laran”. Nia hato’o.
Emprezariu James Jong
Iha fatin reprezentante, emprezariu James Jong hateten, programa dezenvolvimentu sistema E-komersiu ne’e sei fasilita Timor-Leste iha tempu badak no iha benefisiu di’ak tebes ba setor privadu sira liu-liu empresariu ki’ik sira tanba oportunuidade bele asesu ba merkadu ho sistema eletrónika.
“Programa dezenvolvimentu ba sistema E-Commerce nian ne’e sei fasilita iha Timor-Leste iha tempu badak nia laran, ne’e fo benefisiu di’ak tebes ba setor privadu sira liu-liu ba empresariu ki’ik sira tanba oportunuidade ida bele asesu ba merkadu ho sistema eletronika”. Dehan James Jong.
Emprezariu James Jong deklara, sistema online ne’ebé sei la’o iha Timor-Leste hanesan programa E-komersiu sei iha difikuldade sistema koneksaun Internet ne’ebé seidauk preparadu maibé bainhira lao ho di’ak bele asesu merkadu liur ho nasaun Austrália, Inglaterra no América.
“Sistema online ne’ebé sei hala’o iha Timor-Leste hanesan programa sistema E-commerce iha dezafiu hanesan hare’e ba sistema koneksaun intenet iha Timor-Leste seidauk preparadu, bainhira koneksaun internet la’o normal ona bele aselera no prosesu programa e-komerce la’o ho di’ak hodi ita bele asesu mós merkadu iha rai liur hanesan nasaun Australia, Inglaterra, America tanba liña internet la’o ho prosesu normal .” Dehan reprezentante emprezariu James Jong.
“Bainhira iha Timor-Leste halo ona instalasaun ba sistema vibra-otika ne’e sei fó benefísiu ne’ebé di’ak ba setor privadu no empresariu sira hotu, nune’e bele apoiu bisnis barak mai Timor-Leste bele aselera lalais dezenvolvimentu ekonomia nian bele sai di’ak liutan iha futuru”. Hatuir James Jong.
Jornalista : Dircia Baptista Belo