Imajem : Padre Juvito do Rego iha Igreja Gleno, Ermera, 10/05/2025
SAPNewsTL, Ermera : Durante delebra misa ikus ba Saudozu Ernesto Fernandes Dudu, Padre Juvito do Rego fo agradese ba PD tanba bele fo oportunidade ba nia hodi tur iha uma fukun Parlamentu Nasional.
“Obrigadu ba Partidu Demokratiku (PD) ne’ebé fo konfiansa ida ba nia sai Deputadu ida no dignfika nia iha Parlamentu Nasionál, Saudozu Ernesto Dudu hanesan orgullu ida ba povu Ermera, mai ita hahi heroi sira wainhira sei moris la’os deit mate ona mak foin hahi hodi lori kantor sira, ita tenki hahi heroi sira hotu ne’ebe luta ba rai ne’e”.Hateten Padre Juvito do Rego liu hosi omilia iha Igreja Gleno Ermera,10/05/2025
Padre Juvito do Rego fo agradese ba Governante sira no entidade hotu ne’ebe bele partisipa hodi presta omenajem ikus no halo misa ba Saudozu.
“Obrigadu barak ba ukun na’in sira no ita boot sira hotu ne’ebe mai Ermera hodi partisipa misa funeral ba Saudozu Ernesto Fernandes Dudu iha Ermera, agradese wain tebes ba imi”.Dehan Padre Juvito do Rego
Komandante Rejiaun IV no Eis Deputadu Ernesto Fernandes “Dudu” fila hikas ba Aman Maromak nia kadunan santu, wainhira hala’o tratamentu iha Hospital Nacional Guido Valadares (HNGV) tanba sofre moras.
Antes ne’e, Saudozu Ernesto Dudu hetan atakasaun derepente, nune’e família lori ba halo tratamentu iha Hospital Nasional Guido Valadares hodi halo kurativu ba ninia saúde maibe ikus mai la konsege salva tanba sofre moras grave iha ulun.
Durante Saudozu Dudu baixa iha ospital, hetan vizita hosi Primeiru Ministru Kay Rala Xanana Gusmão, Jeneral Reformadu Lere Anan Timur, Vise Primeiru Ministru Mariano Assanami Sabino no Membru Governu dasia sira iha fulan Abril liu ba.
Saudozu Ernesto Dudu nia mate isin hala’o ona vizita ikus ba Kuartel Jeral F-FDTL, Sede Nasional PD Kolmera, no Concelho Combatentes Libertação Nacional (CCLN) hodi presta omenajem ikus.
Saudozu Ernesto Fernandes Dudu halot ona iha nia rezidénsia, Gleno, Munisipiu Ermera, loron 10 Maiu 2025.
Jornalista : Ermelinda Soares & Daniel Da Silva