Molok Finadu, Asidente Mosu Regista Ema Mate & Kanek Grave

SAPNewsTL, Manatuto : molok selebra loron finadu, Karreta bus ho xapa matríkula 36.725 sofre asidente iha area Subaun Munisípiu Manatuto, Asidente ne’e rezulta ema na’in lima (4) mate no passajeiru seluk sofre kanek todan.

Bus Diresaun Postu Administrativu Uatulari, Munisípiu Viqueque ba Munisípiu Dili sofre asidente iha area Subaun, Munisípiu Viqueque.

Tuir informasaun ne’ebé SAPNews asesu katak bus refere halo viajem hosi Viqueque ba Dili, iha dalan area Subaun mak mosu asidente, loron 28 fulan Outubru 2024.

Bus refere balu fila iha kurva boot, deskonfia halai ho velosidade lais, iha ne’ebé la konsege trava no silu ba liman los, nune’e bus refere baku fila ba parte liman karuk hodi rezulta ema mate no kanek todan.

Iha sorin seluk, antes ne’e mosu mos asidente ida karreta truck ho xapa matríkula A. 54.105 baku fila iha Hato-Builico, hafoin halo lia iha postu administrativu Maibisse, Munisípiu Ainaru, 27 Outubru 2024.

Komunidade hosi Postu Administrativu Zumalai, Munisípiu Covalima hamutuk limanulu resin ho karreta truck ida halo lia iha Postu Maubisse Munisípiu Ainaru, hafoin halo lia sidadaun hirak ne’e sofre asidente iha postu Hato-Builico.

Tuir informasaun ne’ebé SAPNews asesu katak komunidade sira sofre asidente iha postu administrativu Hato-Builoco, Munisípiu Ainaru.

Iha asidente ne’e passajeiru barak sofre kanek, iha ne’ebé balun kanek todan, kmaan no la kanek, maske nune’e maibé grasa Maromak nian la rejista ema mate.

Durante akontesimentu, polísia Ainaru to’o kedas fatin akontesimentu hodi halo identifikasaun ba kauza hosi insidente refere.

Enkuantu, vítima na’in taat (4) hosi Munisipiu Viqueque ne’ebe lakon vida halot ona iha nia deskansa fatin ikus no sira ne’ebe  sofre kanek hetan ona tratamentu iha Ospitál.

Loron finadu remata ona, sidadaun barak fila ona ba Kapital Dili hodi servisu, sekola no buka moris maibe to’o agora la regista asidente iha dalan.

Jornalista : Ekipa Kobertura