Imajem : Eis Presidente CNE, Maktoban Alcino Baris
SAPNewsTL, Dili : Eis Presidente Comissão Nacional de Eleições (CNE) Alcino Baris hakotu iis tanba sofre moras iha loron 05 fulan Agustu 2025, tuir mai, ita hanoin hikas Maktoban Alcino Baris ninia hanoin no esperança sira ba futuru Timor-Leste.
Marciana da Conceição – SAPNewsTL
Maktoban Alcino Baris hakerek iha nia pajina ofisial Facebook sita kayak Timor-Leste iha potênsia ba desenvolvimentu setor turismu, indústria, fábrikas no agrikultura hodi enzeta investimentu ba desenvolvimentu nasaun nian.
“Timor-Leste ho ninia potensialidade Rekursu Naturais. Timor Leste bele desenvolve diak liu iha aspetu hotu wainhira hatene Gere. Xave ukun susesu, presiza estrutura nasaun, identifika fatin turismu, industria, fabricas, no agríkola hodi enzeta investimentu nasional”. Hakerek iha loron 13 Jullu 2025
Alcino mós sita atu “hamihis estrutura governasaun sentral, desentraliza poder lokal (politika, administrasaun no finansiamentu), habelar estrutura lokal, hakbi’it boa governasaun ho forma transparante, akontabilidade, efisiénsia no efikaz. Hahú ho rigor implementa tuir tempu sei hetan mudansa no benefísiu satisfasaun iha tempu badak”.
Iha parte seluk, Maktoban ne’e hakerek katak tinan 2027 ba futuru nu’udar momentu kompetitivu, globalizasaun, modernizasaun no digitalizasau tan ne’e estadu presiza investe iha kapasitasaun rekursu humanu hodi kompete iha merkadu global.
“Era 2027 ba oin, era kompetitivu globalizasaun, modernizasaun no dijitalizasaun.Timor-Leste tenke investe maka’as iha kapasitasaun humana hodi kompete”. Baris sita iha loron 15/07/2025
Nia sublinha, “Lider sira iha 2027 ba oin tenke iha vizaun no misaun kompetitivu, inovativu no kreativu tuir exijénsia Global. Timor-Leste integradu ona iha globu Mundial lá fila ONA ba kotuk”.
Nia hakerek iha lian português hodi afirma, “Conquistar o conhecimento para a melhor forma de enriquecer e agir. Unir os conceito e formular as hipóteses para os fins das soluções”. Sita iha nia Medsos
Hafoin notisia ne’e publika, SAP News TL sei hatene kauza hosi moras saida no mate iha ne’ebe, nune’e Mídia Sapnews sei kolleta informasaun Kompletu hafoin sei transmite ba iha oras tuir mai.
Deskansa ho damen no ksolok rohan laek, Eis Presidente CNE Alcino Baris, ba ho Maromak, hela ho Maromak no hamutuk ho Maromak iha nia kadunan santu. Adeus no obrigadu barak ba dedikasaun tomak.