Imajem : 2° Sarjentu Sojue de Araujo Neves
SAPNewsTL, Baucau : Hafoin monu derepente iha Baze Componente Força Terrestre Baucau, Militar, F-FDTL, 2° Sarjentu Sojue de Araujo Neves husi Componente Força Terrestre (CFT) hakotu iis Iha Hospitál Regionál Eduardo Ximenes Baucau (HOREX).
2° Sarjentu Sojue de Araujo Neves monu derepente iha Baze Componente Força Terrestre Baucau, iha loron kinta-feira, 26/06/2025, maisoumenus iha tuku 5 lorokraik.
“Hafoin monu Pesoal saúde ho militár-sira husi CFT evakúa ba ospitál HOREX hodi halo tratamentu. to’o iha ospital médiku sira halo atendimentu iha emerjénsia, durante oras tolu, maibe la salva. tanba tuir dotor sofre makas iha ulun”. Sita Página Facebook Componente Terrestre iha Baucau, 26/06/2025.
Segundu Sarjentu Sojue, hahu incorpora iha vida militár iha loron 22 jullu 2009 ho postu soldadu, promove ba postu Cabo iha 2019, promove ba 2° Sargento iha tinan 2024.
Segundu Sojue moris Iha Atauro, Iha loron 15/fulan Outobru tinan 1983 no hakotu is iha loron 27 fulan Juñu 2025, maisoumenus tuku,11 otl iha Hospita HOREX Baucau.
2° Sarjentu Sojue de Araujo Neves hakotu iis husik hela feen ho oan nain-3 kompostu husi Mane-1, feto-2.
Dadaun ne’e mate isin hatoba hela iha Baze Componenete Força Terrestre Baucau Lanud hodi hein desizaun husi familia no instituisauninstituisaun F-FDTL.