MS Elia Konsidera Informasaun Ema Mate Barak, Tan Laiha Aimoruk & Pessoal Saúde Ne’e Bosok

SAPNewsTL, Dili: Hafoin hala’o vizita Servisu ba Institutu Nasionál Farmacia no Produtu Medikamentu (INFPM) Ministra Saúde Elia António de Araújo dos Reis Amaral hateten ai-moruk to’o ona no sei iha to’o fulan Marsu maibe informasaun ne’ebe dehan ema mate barak tanba laiha aimoruk ne’e lalos.

Iha intrevista ho Ministra Saude Elia Antonio de Araujo dos Reis Amaral haktuir ai moruk tama ona no ai moruk ne’e sei to’o iha fulan Marsu.

“Horseik iha parte aviaun nian kompaña hatama ai-moruk ohin to’o no ita hein to’o fim de Janeiru nian mos sei to’o no sei remata iha Marsu nian ba iha kompra urjente nian ne’ebe ita bo’ot sira hatene katak ita hola ai-moruk ne’e pedidu ou prosesu politika orsamentu estratejia i depois ita iha planeamentu, iha ne’eba mak ita foin koloka orsamentu ba to’o ona iha fabrika ne’e”. Dehan Ministra Saude Elia Antonio de Araujo dos Reis Amaral ba jornalista sira iha edifisiu INFPM, Kampung Alor-Dili, 16/01/2023

Ministra Saude ne’e hatutan kompañia sira ne’e la produz ai moruk nune’e sira sei ba sosa fali iha fabrika no ne’e baibain ona la’os Timor de’it maibe nasaun barak mos hanesan hotu.

“Kompañia ne’e sai hanesan intermediadus de’it kompañia la’os produz ai-moruk entaun kompañia sira sei ba sosa fali iha fabrika, fabrika ne’e stock iha imediatamente ai-moruk sei to’o mai, se karik balun stock laiha ou nia halo fali komunikasaun ho fabrika seluk ou nia bele hatete hein oitoan ami sei produz, ne’e abitua ona la’os deit ita maibe nasaun barak mos halo hanesan ne’ebe presiza ita bo’ot sira hatene item sira ne’e mai tiha hein deit atu responde ba situasaun sira ne’e”. Tenik Ministra Elia

Ministra Elia konsidera informasaun ne’ebe dehan katak pessoa saude laiha ne’e la los no inventa de’it tanba pessoal saude iha rihun tolu resin.

“Ba tan parte iha hatete katak pessoal saude ou fasilidade saude taka tamba pesoal saude laiha ne’e inventa deit tanba ita iha tres mil ital funsionariu rejime espesial rejimi jeral ba pessoal saude sira ne’e”. Ministra Elia informa

Ministra ne’e mos informa kona-ba kazu iha mortuariu nian mate multifactores mate ne’e iha labarik nain rua balun adultu depois mate ne’e mai ho organ failure mai ne’e balun atakasaun mate, balun ke husi diabetes grave entaun mai ne’e doutor sira atende sira halo atendementu ne’ebe ke maksimu maibe mate la’os dehan katak mate tamba laiha ai moruk.

“Dehan katak mate tanba laiha ai-moruk ne’e bosok se iha entaun tau tok iha meza para ita halo investigasaun maibe mate tamba sira mai atrazu, mate tamba orgaun failure maka mate tamba ai moruk laiha ne’e bosok tamba ne’e ohin ha’u dehan katak lialos ne’e sempre menan”. Ministra salienta

 

Entretantu, antes ne’e organizasaun sosiedade sivil hanesan RENETIL, APFTL, Juventude FRETILIN, Deputadu sira, akademista sira, sidadaun babain barak preokupa no kestiona makaas koba ba stock aimoruk ne’ebe laiha, hapara pessoal saude kontratadu no ema mate barak iha ospital HNGV.

 

Antes ne’e, Ministra Saude hamutuk ho Vise Primeiru Ministru, Ministru Koordenador Asuntu Sosiais Mariano Assanami Sabino hala’o ona vizita ba HNGV hodi haree kondusaun real iha ospital hodi apoia MS rezolve problema sira ne’ebe Ministeriu hasoru durante ne’e..

Jornalista : Izabel de Deus