Imajem : Ministra Saude Odete Maria Freitas Belo
SAPNewsTL, Dili: Ministetio Saúde (MS) halo debate urjensia kona tratamentu iha ospital sira iha Timor-Leste, Deputadu Bankada Partidu Demokratiku (PD) kestiona inan isin rua hakotu iis bainhira transportasaun husi Maliana mai Dili, portantu, bebe mate iha dalan no inan mate iha ospital nasional guidu valadares
“Ha’u kestiona kona inan ne’ebe mate ho bebe iha kabun laran, se karik pasiente moras todan hiper ho hepatitis B husi identifikasaun ospital Maliana tanba sa mak la tau oxigeniu no la tau soru ba pasiente depois nusa mak infermeriu la tur iha nia sorin maibe tur iha kondutor nia sorin, ita dehan infermeriu tuir maibe tuir familia dehan sira nain rua uza roupa kondutor nian faru kotuk hakerek kondutor, bainhira sira tama iha Atabae antes labarik moris sira baku kareta nia kotuk kleur mak foin para, depois bebe moris mai nia Laen ho apa hatete tesi lai labarik nia husar, sira nain dehan ami la hatene ida tanba ami Laos serbisu ida ne’e, ita tenki buka klinika foun ne’e mak lori bebe ba iha klinik hodi tesi husar, karik infermeriu tuir nusa mak tau kondutor nia faru MS tenki justifika”, dehan Deputadu Bankada PD Adriano Nascimento iha Parlamento Nasional segunda (13/02/2023)
Deputadu hatutan, kestaun ida fali pasiente nia laen dehan nia tuir lolos oan moris iha loron 18 fulan fevereiru maibe halo nusa mak nia prematur fali oinsa MS fo prova mai katak nia aman ne’e sala, nu’udar ema seidauk iha kuñesesimentu “awam” prezisa hatene liu maka pasiente moras todan bele dudu bebe sai husi kabun laran nia fiar katak moras todan labele dudu oan sai husi kabun tanba pasiente moras forsa laiha atu dudu bebe sai.
Ministra Saude Odete Maria Freitas Belo
Iha fatin hanesan, Ministra Saude Odete Maria Freitas Belo hateten, tuir informasaun nia hetan pasiente uza soru maibe familia dehan la uza MS sei halo investigasaun no pasiente ne’e hetan moras komplikadu mos
“Tuir informasaun ne’ebe hetan husi mediku husi ospital hato’o pasiente uza soru maibe la uza soru fali entaun familia sira dehan la uza soru, MS prontu atu halo investigasaun ba asuntu ida ne’e no pasiente ho moras malaria mos laos hepatitis deit, bainhira kous ona iha posibilidade atu moris permatur tanba nia la forsa atu hatan bebe iha nia isin, inan la prezisa kontransia, la forsa para atu bele lori labarik ne’e to’o iha fulan sia labele otomatikamente moris permatur”, tenik Odete
Ministra hatutan, deputadu nia kestaun tanba sa mak enfermeiru tur iha kondutor nia sorin, MS nota hela ida ne’e, prezisa atu hadia tanba situasaun sira ne’e mak infrenta hela, iha ambulansia laran ne’e la lori pasiente deit mai lori pasiente nia familia mos, MS husu Ona ba kondutor ambulansia no enfermeiru sira para atu hadia.
Iha sorin seluk Deputada Bankada Fretilin Linda Norberta dehan, sira hetan dadus husi munisipiu balun bebe balun mate iha inan nia isin no programa saude familia MS nian ne’e la’o oinsa ona
” Ami hetan dadus iha munisipiu balun katak bebe ou labarik mate iha inan nia isin to’o is no ruin , ida ne’e mak preokupasaun ne’ebe bo’ot tebes no kestaun progrma familia saúde MS la’o oinsa, keta inan isin rua sira mak la ba konsulta ka pesoal saúde sira mak laiha” tenik Linda
Linda akresenta, konaba pessoal saúde sira servisu balun serisu iha suku ne’e balun loron kuarta ka kinta sira tun mai kapital, tuir nia ladun diak , tanba ne’e mak halo atendementu la diak , se bele ministéru saúde bele hare’e problema hirak ne’e.
Jornalista : Ermelinda Soares