Imajem : MTK Miguel Marques Gonçalves Manetelu iha Malina, Filipina, 24/06/2025
SAPNews TL, Dili : Durante sorumutu Bilateral entre ADB no Ministériu Transporte no Komunikasaun iha Kuartél Jerál ADB iha Manila, Filipina, MTK Miguel Marques Gonçalves Manetelu fo agradese tanba apoia desenvolvimentu transporte públiku iha Timor-Leste.
Ermelinda Soares – SAP News TL / Fontes – MTK
“Hamutuk ho Xefe Gabinete, ekipa MTK no Diretor Ezekutivu TIC Timor, hamutuk hato’o ami-nia agradesimentu ba ADB nia apoiu kontinua ba dezenvolvimentu transporte públiku iha Timor-Leste, hahú ho Planu Mestre Transporte Nasional no haluan liu husi estudu viabilidade”.
“Governu Timor-Leste nafatin iha kompromisiu no foti nia responsabilidade atu avansa Detail Engineering Desing (DED). Hafoin remata tiha DED, ami hakarak envolve ADB iha diskusaun seluk tan kona-ba opsaun finansiamentu potensiál sira”.Dehan MTK Miguel Manetelu iha Malina, Filipina, 24/06/2025
Durante enkontru ho Country Director ADB Timor-Leste, MTK Manetelu sublinha katak DED hetan ona aprovasaun.
”Ha’u kontente atu fó-hatene ba imi katak, Termu Referensia (ToR) DED hetan ona aprovasaun formál hodi submete ba prosesu aprovizionamentu”.
“Preparasaun sira-ne’e la’o daudaun ona atu hahú aprovizionamentu iha inísiu fulan-jullu tinan 2025 no hein katak DED sei remata iha fulan-marsu ka fulan-abril tinan 2026 ba Timor-Leste, dezenvolvimentu sistema transporte públiku modernu ida-ne’e reprezenta barak liu fali mobilidade ne’ebé di’ak liu”.
Ne’e hanesan investimentu estratéjiku ida iha kreximentu ekonómiku inkluzivu, integrasaun nasionál no dezenvolvimentu sustentavel liu hosi hala’o papél krítiku ida hodi promove modernizasaun infraestrutura no asegura prestasaun servisu sustentavel no ekuitativu ba povu.
Enkontru ho Dirijente sira husi ADB ne’e ko’alia kona-ba setór transporte públiku no aero, dezenvolvimentu fasilidade iha transporte públiku nia, sira halo aprezentasaun esperensia husi nasaun rua hanesan Mongolia no Filipina.
“Mais e menus situasaun ne’e atu hanesan mos ita nia rai, iha Mongolia ne’’e iha area rurál liu ne’ebé ita haree sira kondisaun ne’e, laos dehan di’ak liu maibé ita nia di’ak liu sira, aprezentasaun ne’e hanesan atu hetan mos esperensia husi nasaun rua nian hanesan mongolia no filipina”. Nia sublinha
Durante apresentasaun, parte rua ko’alia kona-ba aeroportu, sira esplika mós kona-ba prosesu dezenvolviementu konstruksaun aeroportu iha nasaun sira iha rejiaun asiátiku no pasifiku ne’ebé hetan apoiu orsamaentu fontes husi ADB.