Ministru transporte no komunikasaun, Jose Augustinho da Silva
SAPNewsTL,DILI- Hafoin sorumutu entre Ministru transporte no komunikasaun (MTK), Jose Augustinho da Silva ho sua exelensia primeiru ministru Taur Matan Ruak, Ministru Jose Augustinho da Silva haktuir objetivu husi enkontru ne’e hodi relata progressu serbisu ministeriu transporte komunikasaun no investimentu sira iha sektor telekomunikasaun
“Objetivu husi audensia ne’e atu hato’o ba sua exelensia kona-ba progressu servisu ministeiru transporte komunikasaun durante ne’e, ha’u relata kona-ba investimentu estratejiku estadu Timor-Leste nian ba sektor telekomunikasaun iha kontekstu ita nia fibra otika, ita nia progressu ba projetu ne’e atinje ona 30%”. Dehan ministeiru transporte komunikasaun, Jose Augustinho da silva ba jornalista sira iha palasiu governu,Quarta-feira(19/01/2023)
Nia esklarese katak atu identifika rute tasi laran nian equipa transporte iha ro ahi ifa hodi halao surfei ho objetivu hare topografia kondisaun tasi laran
“Foin dadaun ita iha Ro ahi ida ne’ebe mak surfei iha tasi Timor no Australia, objetivu husi surfei ida ne’e atu identifika rute tasi laran, karik kabu ne’e orsida dada mai nia halai kona ida ne’ebe, hare topogragia kondisaun tasi laran, i aktividade ne’e hala’o nia durasaun 50 dias”Nia informa
Governamte ne’e salienta katak ro ahi ne’ebe mak halo surfei iha tasi Timor ho Australia finaliza ona no hein relatoriu hodi identifika kabu atu uza nia rute ne’ebe idenfikadu
“Ro ahi ne’e nia equipa akompanha mos husi equipa tekniku ministreiru transporte komunikasaun, husi diresaun nasional infrastrutura komunikasoens, sira konklui marine surfei ne’e semana rua liu ba kotuk sira finaliza, objetivu seluk mak depois de konklui sira nia atividade sira sei hato’o relatoriu i depois identifika, tipu de kabu hodi uza lao tuir rute ida ne’ebe sira identifika ona, fibra otika ne’e nia progressu to’o iha ne’e”Nia hakotu
Jornalista : Marcela da Costa