Imajem : PNTL halo identifikasaun ba suspeitu sira ne’ebé halo aktu sexual hasoru Mausale. Foto : Média PNTL
SAPNewsTL, Dili : Relasiona ho video ne’ebe viral iha media sosial, iha ne’ebé obriga labarik ho naran estimadu “Mausale” sexu mane hodi beiju sidadaun mane ida iha tempu kalan. Nune’e PNTL kaptura ona suspeitu hamutuk na’in lima hodi submete ba prosesu investigasaun.
Tuir informasaun ne’ebé SAPNews asesu liu hosi Pajina Facebook Comando PNTL Muniscípio Dili haktuir katak Komandu PNTL Dili kaptura ona sidadaun na’in lima ne’ebé deskonfia komete kazu obriga Mausale beiju ema seluk.
“Komandante Operasaun PNTL Munisipiu Dili liu hosi inspetur Xefe Polisia, Jose Luis Amaral, hamutuk ho Ekipa Sekreta Makikit Dili, asegura ona suspeitu nain 5 ne’ebe halo pratika aktu seksual relasiona ho inkonsiente hodi aproveita inkapasidade menor, iha área Cristo Rei”. SAP News TL screenshot, Dili,18/11/2024
Suspeitu ne’ebé prátika aktu sexual maka inisial IMJC, CX, ADS, TDM no NA, oras ne’e ekipa entrega ona ba parte VPU hodi kontinua halo prosesu investigasaun no ekipa sira kontinua buka tuir autor neebe halo asaun hasoru Vitima Mausale iha video refere.
Artigu 179⁰ Kódigu Penal
Tuir Dekretu Lei 19/2009, 8 de Abril ho autorizasaun lejislativa ne’ebé hosi lei nú.13/2008, 13 Outubru no alteradu hosi lei nú.
6/2009, 15 de Julho ne’ebé hakerek iha Códigu Penál artigu 179⁰ haktuir katak ema ne’ebé halo aktu sexual hasoru ne’ebé vulneravel ho razaun moras, defisiénsia físika ka psikolojia hodi aproveita ba ninia inkapasidade ne’e sei hetan pena prizaun tinan 4-12.
“Aktu ne’ebe suspeitu sira komete ne’e konsidera viola lei numeru 179⁰ (Kódigu Penál) no sei hetan sansaun pena prizaun tinan 4 to’o tinan 12”. Hakerek hosi Pajina Facebook Comando PNTL Muniscípio Dili
Espera katak ho notísia ne’e bele fanun públiku no ema ida-idak hodi evita no labele prátika aktu sexual hasoru minoridade maske ho maneira atu halo komíku ka hamanasa.
Notísia kompletu SAPNews sei kontinua halibur, hafoin sei públika iha tempu badak ligadu ho kazu ne’e inklui informasaun sira seluk.
Jornalista : Ekipa Kobertura