Imajem : Entrega Buletim
SAPNewsTL, Díli — Sekretáriadu Tekniku da Administrasaun Eleitoral (STAE sigla Portugués) ofisiaimente distribui ona material sensitivu no non sensitivu ba Munisípiu hitu (7) inklui Regiaun Administrativu Espesial Oe-cussi Ambenu, ne’ebe Ministeiru Administrasaun Estatal (MAE) identifika atu hakat ba eleisaun orgaun suku iha loron 25 janeiru 2025
Vise Ministru Administrasaun Estatal (MAE) Jacinto Rigoberto hateten, ohin loron STAE nasionál realiza serimónia termu entrega material sensitivu no non sensitivu ba STAE Munisípiu hodi prepara ba eleisaun orgaun suku ba suku 18 ne’ebe identifikadu.
“Serimónia ida ne’e hanesan pasu ba prosesu ida ne’ebe ita hala’o hodi prepara ba eleisaun, entaun ohin MAE hamutuk ho STAE no Komisaun Nasionál das Eleições CNE no entidade relevante sira hodi distribui material sensitivu no non sensitivu ba Munisípiu hitu (7) no RAEOA”. Dehan Vise Ministru MAE Jacinto Rigoberto ba Jornalista sira iha resintu MAE Kaikoli, Tersa (21/01/2025)
Vise Ministru Jacinto argumenta, serimónia distribuisaun material ne’e importante tebes ba entidade relevante sira, hodi akompaña prosesu preparativu ba eleisaun orgaun suku iha suku 18 ne’ebe sei eleje hodi hili Xefi Suku, Xefi Aldeia no estrutura suku.
“Suku 18 Kandidatu 55 kompostu husi feto tolu (3) mane 52 nune’e serimonia termu intrega material sensitivu no non sensitivu sai hanesan atividade importante, nune’e ita nia ekipa sira bele servisu ho diak hodi prepara ba eleisaun orgaun suku”.
Diretor Geral Sekretáriadu Tekniku da Administrasaun Estatál Elviro Fernandes Moniz aprofunda, Ohin loron 21 fulan Janeira tinan 2025, empreza Grafica Nacional Lda, ne’ebe hetan fiar husi MAE ba materias operasaun fornesimentu servisu imprimi Boletin de Votu ba eleisaun lideransa komunitaria Boletin Xefe Aldeia, Boletin Delgadu/a, Boletin Joventude Feto/Mane no imprimi Banner, Stiker, Akta no livru manual formasaun ne’ ebe sei uza iha eleisaun orgaun suku.
“Ho ida ne’e entrega boletin de votus ba STAE, ne’ebe sei distribui ba municipios ualu iha teritoria Timor laran tomak, entaun MAE depozita konfiansa ba empreza Grafika nasionál atu imprimi material non sensitivu ne’ebe sei tulun ekipa tekniku iha faze prepasaun ba eleisaun”.
Nia salienta, tuir dadus ne’ebe STAE rejistu total suku hamutuk 18 kompostu husi Munisípiu ualu ho total Buletin votu ba Xefi Aldeia hamutuk 3700, total livru 74. Buletin votu ba Delegadu/a hamutuk 2300, total livru 46 no Buletin votu ba juventude feto no mane 1800, total livru 36 total Buletin 7.800.
Imajem : Vise Ministru Administrasaun Estatal Jacinto Rigoberto
Suku sira ne’ebe sei distribui material sensitivu no non sensitivu sira hanesan, Munisípiu Aileu Postu Administrativu Aileu vila, Suku Hurai-Raco folla hamutuk 750 livru 15, Postu Remexio Suku Karahili folla 1050 livru 21, Munisípiu Baucau Postu Baucau Suku Builai folla 1850, livru 37, Munisípiu Baucau Postu Baucau Suku Caibada-Makasae 1850, livru 37 Postu Laga Suku Ueru Mata folla 450 livru sia (9),
Munisípiu Ermera Postu Ermera suku Poetete-Lodudu folla 1400 livru 28, Suku Poetete-Vila folla 3250 livru 65, Suku Poetete folla 3150 livru 63, Suku Postu Hatolia A Suku Koliate leten, folla 1850 livru 37 Postu Latefoto, Suku Assui-Lau, folla 1550 livru 31.
Munisípiu Lautém Postu Lautem Suku Baduru folla 1000 livru 20, Munisípiu Manatuto Postu Laclo Postu Lakumesak folla 1950 livru 39, Munisípiu ManuFahi Postu Mertuto, Suku Ili-Huli folla 1250 livru 25 Postu Alas Suku, Tahu-ben folla 650 livru 13 RAEOA Postu Pante Makassar, Suku Mone-Meco folla 150 livru 30 suku Cutete folla 1400 livru 28, Munisípiu Viqueque Postu Uatulari, Suku Makadique Uaitame folla 850 livru 17 Suku Makadiki de Baixo folla 1850 livru 37 total folla 27600 total livru 552.
Entretantu Suku sira ne’ebe sei hakat ba eleisaun hamutuk 18 kompostu husi Munisípiu ualu tuir ajendamentu ne’ebe STAE sita loron 24 STAE Munisípiu sei desloka material sensitivu no non sensitivu ba suku no loron 25 fulan janeiru 2025 realizasaun eleisaun.
Reportanjen : Ekipa Kobertura