Imajen Presidente Parlamentu Nasional Aniseto Guterres ho Ministru Finansas Rui Gomes iha Sala Komferensia PN, 03/10/2022
SAPNewsTL,Dili : Hafoin Submete Orsamentu Jerál Estadu tinan 2023 ba Parlamentu Nasionál, liu husi komunikadu Imprensa Ministru Finansas Rui Augusto Gomes konsidera OJE 2023 ne’ebe ho montante billiaun 3,155.306 USD kompara ba OJE 2022, Osamentu 2023 iha redusaun 8%
“Iha OJE 2023 nian, kompara osamentu 2023 ho 2022 nian, orsamentu tinan 2023 iha redusaun 8% tuir nia konjela hahu husi redusaun kompara orsamentu atual ne’e, nune’e bele rasionaliza diak liu tan rekursu Timor Leste ba aban bairua”. Dehan Ministru Finansas Rui Gomes iha Sala Komferénsia Parlamentu Nasionál, 03/10/2022.
Ministru ne’e hatutan, ho razaun defisit ne’e maka sei foti osan husi fundu mina rai barak, Maibé kompara osan ne’ebé foti iha 2023 kompara ho tinan ida ne’e, Parlamentu Nasionál aprova Billiaun 1.998 USD, tinan ida ne’e propoin Billiaun 1. 600 USD Purtantu redusaun purvolta milloens 280 USD.
Iha biban hanesan, Prezidente Parlamentu Nasionál Aniceto Longuinhos Guterres Lopes hateten Iha lei Grandes Opsaun (GOP) ne’e parlamentu nasionál mos defini tiha ona tetu orsamentu ba tinan 2023.
“Ha’u atu hatete de’it katak ita tama ona ba segundu faze orsamentu estadu 2023 nian, ha’u dehan segunda faze tanba primeira faze Parlamentu ho Governu aprova tiha ona bainhira PN aprova lei Grandes opsoens (GOP)”. Dehan PPN Aniceto
Lider Segundu Orgaun Soberanu ne’e akresenta Parlamentu Nasional defini tiha ona orsamentu mak elabora ba governu hodi halo ezersisiu ba orssamentu 2023 ninian ho detallu aloka ba kada setor sira tuir politika orsamentu ne’ebé iha.
Nia hatutan, VIII Governu konstituisionál kumpri ona sira nia obrigasaun tuir lei enkuadramentu orsamentu nian ne’ebe iha loron 1 fulan Outubru tenke submete orsamentu nasionál ba parlamentu nasionál. Maibé loron ne’e monu loos iha sabadu, Tanba tuir regras jeral kuandu prazu ne’e monu iha loron ne’ebé la’ós loron util, entaun governu foin entre ba PN
Enkuantu, PN simu ona proposta lei OJE 2023 husi Guvernu liu husi Ministru Finansas no MAPCOMS, Portantu prosesu sei la’o tuir rezimentu PN nian hodi regula, enkuantu Sei envia ba komisaun C ho komisaun permanente sira hotu atu halo apresiasaun no relatoriu pareser.
Enkuantu, Diskusaun jeneralidade sei hahu iha loron 7 fulan outubru tinan 2023 to’o 18 novermbru fulan oin, molok entrega ba Presidente da Repúblika hodi deside(Promulga ou Veta).
Journalista : Jonh Marito
Editor : Ekipa Editorial