Imajem : Tubaraun ne’ebé han Turista Norte Amerikadu Colleen Monfore, hetan ona iha Likisa, Timor-Leste,06/10/2024. Foto : Chege-20
SAPNewsTL, Likisa : Turista husi Norte-Amerikanu ida ho naran Colleen Monfore ne’ebé lakon iha Maluku, Indonésia, hetan ona nia isin mate iha tubaraun ida nia kabun-laran, iha Munisípiu Likisa, Timor-Leste.
Insidente ne’e akontese wainhira Monfore ho nia la’en, Mike, vizita Maluku hodi passa ferias no halo rekreasaun, Nia lakon iha loron 26 fulan-Setembru tinan 2024 tanba hetan tata hosi tubaraun.
Hafoin insidente ne’e mosu, liutiha semana rua, peskadór sira iha Timor Leste kaer tubaraun ne’e iha fatin ne’ebé ho distánsia liu 112km hosi fatin ne’ebé Monfore lakon. Wainhira peskador sira oho tubaraun refere hetan ema nia isin iha tubaraun laran.
Antes ne’e nia laen “Mike deskonfia katak nia hetan problema iha tasi-laran,” Sass hatete ba The Post Segunda-feira, sita hosi NY Post, Tersa-feira (8/10/2024).SAPNews Screenshoot
Rick haktuir Monfore lakon no mate laos tanba tubaraun, maske nune’e, maibé Colleen Monfore nia isin mate hetan ona iha tubaraun ida nia laran iha Timor-Leste.
“Ha’u la fiar katak saida maka hakotu nia moris karik buat seluk maibé la’ós tubaraun ida,” nia insisti, realidade tubaraun mak tata no han Colleen nia isin.
Rick Sass hatutan, “Sira halo ona viajen barak ho ami durante tinan 30 nia laran iha nasaun oioin hanesan Bali, Filipina, Bikini Atoll, no seluk tan.”
Mike no Monfore sira iha oan hamutuk na’in rua no iha bei-oan na’in haat, Hafoin reforma hosi sira nia servisu, sira nunka para halo viajen iha mundu.
“Sira na’in rua reformadu ona no gosta tebes pasa ferias ba nasaun sira iha mundu,” Rick Sass hatete. “Ami bolu nia ‘Saint Colleen.’ Nia feto bonita ida ne’ebé hadomi natureza no animál sira.”
Rick subliña katak, “Ita tenke fó respeitu ba sira no kuidadu balada sira iha tasi”, nia hatete.
Fo hanoin fali katak iha loron 16 Setembru 2024, tubaraun ida mós tata turista feto ida hosi Alemanha iha Oseanu Atlántiku.
“Insidente tubaraun tata ema akontese mós ba turista feto ida hosi Alemaña iha Oseanu Atlántiku. Feto ho tinan 31 lakon vida tanba hetan atake hosi tubaraun iha Segunda, 16 Setembru 2024”. hatete hosi porta-vós ida hosi Guarda Sivíl Española nian ba CNN, Kuarta, 18 Setembru 2024, sita iha Domingu, 22 Setembru 2024.
Hafoin ne’e nia lori lalais ba ospitál iha Gran Canaria, Illa Kanáriu ho helikópteru, maibé nia moris labele salva. Portavós ne’e hatete katak turista alemaun ne’e mate iha ospitál.
Tubaraun tata ona ema hamutuk neenulu resin-sia (69) iha mundu, insidente ne’e mosu bainhira ema hirak ne’e halo rekreasaun no kail ikan iha tasi-klaran.
Enkuantu, Turista Norte-Amerikanu ida ho naran Colleen Monfore lakon vida iha loron 26 Setembru liubá, Peskador Timorense husi Munisipiu Likisa hetan wainhira kail iha iha tasi-klaran, iha Likisa,06 Outobru 2024.
Jornalista : Marciana Conceição