Imajem : Pe. Cristóvão Haron fó sarani ba katóliku hamutuk 90 iha Pune, Oesilo, 01/06/2025
SAPNewsTL, RAEOA : Hafoin fó sarani ba foinsa’e 90, Padre Vigariu Parokia Sagrado Coração de Jesus Oesilo Pe. Cristóvão Haron SVD husu inan no aman sira antes fo sarani oan labele tau naran tuir ida-idak nia hakarak maibe tenke tau tuir nia loron no tinan moris.
Ariqui Crisanto Colo – SAPNews
“Husu inan, aman, padrinhu no madrinha sira iha Estasaun Misionariu Santo Antonio de Padua Oelmambai Pune katak wainhira tau naran ba labarik ki’ik oan sira, antes fo sarani labele tau naran tuir imi nia hakarak/imi nia hobby, maibe tau naran ba labarik sira tenke tau tuir idak-idak ninia data moris no fulan moris nian tanba iha hotu naran Santo no Santa sira”. Dehan Pe. Cristóvão Haron SVD liu husi nia omilia iha Igreza Estasaun Misionariu Santo Antonio de Padua Oelmambai Pune, domingu (01/06/2025).
Pe. Cristóvão Haron hateten, iha liturjia hakerek ona Jesus nia hahalok no hanorin sira, nia hanorin apostolu sira ne’ebe nia fihir molok sa’e ba lalehan.
“Liturjia de palavra iha Domingo ne’e katak Teofilo, iha nia livru uluk, ha’u hakerek ona kona-ba Jesus nia hahalok no nia hanorin. ha’u hakerek hori uluk kedas to’o loron ne’ebe, hodi espiritu santu nia roman, hanorin tiha apostulu sira ne’ebe nia fihir nanis, molok Jesus sa’e ba lalehan”.
Nia hatutan, “Terus tiha hotu, Jesus moris hela, mosu ba apostulu sira oi-oin no dala barak, Jesus mosu ba sira iha loron hatnulu (40) nia laran, hodi hanorin kona-ba reinu maromak nian. Iha loron ida, sira sei han hela, atu labele hadook an husi Jerusalem, maibe atu horik iha ne’eba hodi hein, tuir liafuan aman Maromak hakotu ona”.
Jesus dehan : “Ha’u fo tiha ona ida ne’e ba imi. João sarani hodi we, maibe lakleur, imi sei sarani hodi espiritu santu. Sira be halibur hela iha ne’eba, hahu husu ba Jesus : “Nai oras ne’e mak ita boot sei foti hodi hahi reinu Israel?” Jesus hatan ba sira : “la’os imi mak sei hatene loron no oras ne’ebe Aman Maromak tau hela iha nia liman. Maibe espiritu santu tun ba imi, imi sei simu tiha nia kbiit mak imi sei sai ha’u nia sasin iha Jerusalem, iha Judeia, iha samaria tomak no iha rai hotu-hotu.”
Imajem : Pe. Cristóvão Haron SVD
“Ne’e hotu tiha sira hateke hela ba Jesus ne’ebe sa’e dadaun ba lalehan. kalohan ida mai taka tiha Jesus no sira nia matan, tan sira sei hateke hela ba lalehan, wainhira Jesus sa’e dadaun ba leten, mane na’in rua hatais mutin hotu, mosu mai sira hodi hatene nune’e : ” Mane Galileia sira, tansa imi hateke ba lalehan ? nu’udar imi haree nia sa’e dadaun ba lalehan, Jesus ida ne’e duni mak sei fila fali mai”.
Amo Vigariu Parokia Sagrado Coração de Jesus Oesilo Pe. Cristóvão Haron SVD fo sarani ba sarani hamutuk dianulu (90) iha Estasaun Misionariu Santo Antonio de Padua Oelmambai Pune. Oesilo, RAEOA.