Pe. Venancio : Ukun Ne’ebe La Ho Fiar No Domin, Ukun Ne’e Sei Sabraut

SAPNewsTL, Dili-Komemorasaun Masakre Santa kruz 12 de November 1991 ba dala XXXI no Selebrasaun Loron Nasional Juventude ba dala XVII, iha selebrasaun eukaristika Padre Selebrante Venancio da Costa hateten ukun ne’ebe la ho fiar, domin no esperansa, ukun ne’e sei sabraut tanba ema la hadomi ona Rai ida ne’ebe mak luta to’o mate hafoin hetan ukun rasik an
Tuir Pe. Venancio haktuir ohin ema hotu hanoin fila fali prosesaun ba libertasaun ne’ebe Feto Raan no mane klosan Timor oan Sira halo hodi Marka historia iha 1991
” Ohin Ita hanoin fila fali prosesaun ba Libertasaun ne’ebe mak Feto Ran no mane klosan Timor oan sira halo iha 12 de Novembru, iha tinan XXXI liu ba husi igreja Santa katolikas Romana historika Motael iha sidade tasi-ibun ne’ebe mak Marka historia iha momentu ne’eba, akontese iha ponti kais Sira iha Dili laran, akontese fila fali iha 28 de Novemberu 1991, hakilar haklalak hodi dehan Ami hakarak liberdade,Ami hakarak independensia,Viva igreja katolika,Viva Timor Leste.”Dehan Padre Venancio da Costa SJ, iha Fatin igreja Motael,Sabado 12/11/22.

Iha Omilia Padre Venancio informa loron ne’e fo ba timor oan hotu atu reflete oinsa buka hatene istoria Timor nian no oinsa projeta Timor sai diak liu tan ba futuru
“Ohin Ita Selebra ba tinan XXXI, Evangellu ne’ebe mak foti husi saun Jojefat nian fo Mai Ita atu reflete ba liafuan save sira, maka palavra Saber, mane klosan no Feto RAN sira hotu imi sira ne’ebe mak iha poder hanesan autoriedade buka atu hatene bebeik, buka hatene fila fila, buka hatene nafatin historia Timor nian ne’ebe mak lolos nakonu ho ran ho deseju profundu hakarak Timor Sai Diak”, nia sublina

Nia hatutan, atu ukun rai Timor tenki ukun ho fiar no domin, jukun ne’ebe la fiar, domin no Esperansa ukun ne’e sei sabraut

“Ukun karik ba ukun ho domin, fiar no esperansa, kuandu Ita ukun Rai ida hanesan Timor mak Ita la iha fiar, esperansa ba Kristu, Ita la iha oan domin ba Timor,Ita ukun sei sabraut Tanba Ita la fo esperansa ba Ita Nia povu no Joven Sira, tanba Ita la hadomi ona Rai ida ne’ebe mak luta to’o mate, Ita la fiar ona igreja ne’ebe hanorin Ita iha sakramentu Sira,sakramentu ukun fuan domin nian”. Hatete Nia

Enretantu, Padre ne’e husu ema hotu atu nafatin koragen ho ninia fiar, fo nafatin fiar ho ninia esperansa, fo nafatin esperansa ho nia domin ba Timor no kreda katolika, fo nafatin nia domin ba joven Sira atu hadomi nafatin familia, hadomi kreda katolika no Rai doben Timor-Leste.

Enkuantu, Partisipa iha Misa eukaristika ne’e mak hanesan Presidente republika Jose Ramos Horta, membru Guvernu, Membru Parlamentu Nasional, Jeneral Falur Rate Laek, Komite 12 Novembru, familia matebean, movimentu sira no povu Timor Leste

Jornalista: Antonina Lopes Da Silva & Absalaun da Costa