Imajem Deputadu Bankada PN Iha Parlamentu Nasional, Dili, 06/03/2023
SAPNewsTL, Dili: Deputadu Bankada Konsellu Nasional Rekonstrusaun Timorense (CNRT) Gabriel Soares ho Bankada Partidu Demokratiku (PD) Antonio Da Conceicão husu ba Ministeiru Edukasaun Juvetude no Desportu (MEJD) rezolve lais problema profesor voluntariu ba permanente ne’ebe mak agora sai nafatin polemika nasional iha teritorio Timor Leste ne’ebe mak implika duni ba “bem estar” ho kualidade ensinu iha Timor-Leste nian
“Ha’u husu ba MEJD dak liu halo reverifikasaun fali lista ne’ebe antes ne’e ministeriu fo sai ona para ita hare’e profesor sira ne’ebe lolos voluntariu tinan barak vale para ita konsidera sira, maibe agora problema profesor sira seidauk rezolve tanba ida ita la konsidera sira nia valor ne’ebe hanorin ba ita nia oan sira”, dehan Deputadu Bankada CNRT Gabriel Soares ba jornalista sira iha Parlamentu Nasional segunda (6/03/2023)
Deputadu ne’e hatutan, iha dadus balun komisaun G halo interpretasaun ho MEJD Maibe Deputadu hakarak refere nafatin ba MEJD atu bele tau atensaun tanba iha lista balun iha komisaun G ne’eba los duni iha Profesor balun nunka mosu iha eskola hanesan profesor voluntariu, naran ne’e mosu barak iha lista boot ne’ebe iha tiha prezidente komisaun G, iha Liquisa MEJD rasik asina lista ida paralelu, eskola ensinu sekundaria jeral ida, ministru mos asina promete katak atu foti sira ba kontratadu mais afinal iha lista sira naran laiha hotu mosu fali ema foun, nia husu MEJD para tenki valoriza profesor sira ne’e
Gabriel informa, ema ne’ebe nunka hanorin naran mosu fali, tan ne’e nia ezize diak liu halo reverifikasaun hare’e lolos profesor voluntariu ida kona ba nia antigidade, maibe informasaun husi direitor edukasaun balun koalia katak sira halo aklamasaun maibe la prense rekezitu tanba profesor sira ne’ebe la iha diploma D3 tan ne’e la kontratu sira atu ba permanenti, agora atu trata sira nia nia destinu ne’e sira la prense fali rekezitu ne’e, ida ne’e lojika iha ne’ebe.
Iha fatin hanesan, Deputadu Bankada PD Antonio da Conceicão husu ba MEJD tau atensaun ba problema ida ne’e
“Ha’u foti problema profesor nia naran intrega iha lista ba MEJD, depois atu hetan kontratu maibe MEJD husik no la rezolve profesor kontratadu sira ne’ebe hanorin iha governasaun uluk to’o agora, ha’u husu MEJD fo atensaun ka reverikasaun ba naran profesor sira ne’e tanba situasaun hanesan ita lakoi duni atu halo edukasaun kualidade iha Timor-Leste”,
Antonio aumenta tan, pelu menus konstrui sosiedade moderna tanba koalia edukasaun hanoin ba sosiedade nia futuru maka lamenta tebes ba aktu sira ne’ebe MEJD halo profesor sira ne’e.
Enkuantu, antes ne’e 2100 vagas, maibe ikus mai naran ne’ebe publika iha jornal republika hamutuk 1800 husi professores hamutuk 5000, maske publikasaun naran manorin sira iha Jornal Republika ne’e hetan kritika no lamentasoens oioin maibe MEJD seidauk foti desizaun ruma kona ba ida ne’e.
Jornalista : Ermelinda Soares