Imajem : Poetiza Alexandra Tilman ne’ebe halo poezia iha Muzeum Resisténsia, Dili, 10/05/2024. Foto : Media SEPC
SAPNewsTL, Dili – Poezia Airiin Lulik Timor ne’e hakerek husi Poetiza Alexandra Tilman, Dosente Universidade Nasionãl Timor Lorosa’e (UNTL), Poezia ne’e apresenta iha serimonia lansamentu fatuk dahuluk iha Muzeum da Resisténsia, Dili, 10/05/2024.
Bandeira FRETILIN
Frente Revolucionaria do Timor Leste Independente (FRETILIN)
Fretilin….Ó Prinsípiu Luta Ukun rasik-an la nakadoko. Airiin besi asu talin be korente hamaluk knananuk murak foho ramelau
Nafatin sunu espíritu ba timor-nia mehi la nahas
Mate ka Moris ukun-an iha loron 28 November 1975, Fransisco Xavier do Amaral sai sasin ba Ukun Rasik-an Sagradu.
Bandeira FALINTIL
Falintil husi povu, hela no luta ho povu.
Falintil la haketak-an husi nia emar-sira
“Falintil ranesan ikan…Povu ranesan Wee”.
Hamutuk sira sai lian ida deit. Fahe ladiak. Ninia hun-abut mak povu lian la’ek.
Iha biban tinan 24 luta ba ukun-ba “Bee” la maran, la merak.
Tuba metin iha fuan-ida, laran-ida, lian-ida
“Mate ka Moris Ukun Rasik-an”. Iha Espiritu; Nasionalismu, Patriotismu, Unidade Nasional, Paz, no Demokrasia”
Bandeira CNRT
CNRT… Konsellu Nasionál Rezisténsia Timorense 1998. Ó hamriik tuba metin la nakdoko
Ó Loke lisan ranesan manu-aman tau tara
Hamaran mataween, triste, tanis halerik no fitar wa’in husi torturasaun, intimidasaun.
Ó hamri’ik metin hamaluk oan timor ho biskusan sona borus ba CNRT manan Ukun Rasik-an.
Bandeira RDTL
Ó Koris furak husi Lalatak Fretilin metin iha Ó Isin lolon
Ó Duni mak rai metan timor-nia husi Tutuala ba to’o Oekusi, Husi tasi feto ba to’o tasi mane, husi lorosa’e, loro klaran no loro monu.
Ó duni mak raan mean nakali mak sai Espiritu Nasionalízmu iha ami liman uat-sira
Ó duni mak furak husi loro matan nian be fó matak malirin ba natureza timor-nian
Ó Duni mak Fitun Páz no Unidade Nasionál
Ba Repúblika Demokrátika Timor-Leste Independénsia.
Hakerek na’in : Poeta Alexandra