Imajem : Ponte Suku Atara ne’ebe kotu tanba kauza husi mota ho volume ne’ebe boot, Suku Atara, Atsabe, 24/03/2023. Foto : Paulo do Carmo
Joven Potensia Atsabe oan Marchal Gonsavel konsidera dezenvolvimentu ne’ebé la’o iha Postu Atsabe ho munísipiu laiha mudansa durante tinan-lima
“Ita hotu hatene katak sosiedade Atsabe kontinua moris depende ba fila-liman/buisnes no mós kafe. Ohin-loron, Postu-Atsabe senti triste bainhira estrada ne’ebé fasílita sira hodi hala’o sira-nia atividades hetan estragus husi natúreza, kondisaun ida ne’e piór liu bainhira ita-nia mahukun-sira ne’ebé nain ba desizaun nunka atu kestiona hodi hatan ba preokupasaun sosiedade-nian”. haktuir Sekretariu Jeral Movimentu Foinsa’e Atsabe (MOFA) Marchal Gonsalves ba Jornalista SAPNewsTL, Iha Dili, 24/03/2023
Estrada liga entre Munísipiu ba Postu-Atsabe no Atsabe liga ba Bobonaru kotu. nia konsidera parte relevante núnka tau atensaun ida sériu hodi hatan direta ba problema ida ne’e.
“Ita-hotu haré katak kada tinan-lima sempre iha mudansa ba ukun, husi Partidu Polítiku ida ba Partidu polítiku seluk, Maibé Mudansa ba sosiedade-nia halerik laiha/Zero. Tanba ida ne’e hakarak hato’o ba partidu polítiku sira-hotu katak lalika mai bosok ami iha tempu kampaña ho lia-midar, hetan ukun haluhan ami ne’ebé fo fiar ba”.nia hatutan
Foinsa’e ne’e mos “husu ba Partidu politiku sira hotu atu lalika mai kasa votus husi povu iha tempu eleisaun, ba interese imi-nian atu hetan podér de’it, podér polítika ho ekónomia hodi supa midar sira Mesmesak, husik povu terus mesmesak ho kosar been ne’ebé sin. Kada votus ne’ebé individu foo ne’e 4$, Tanba ne’e kondisaun ba imi povu kria husu imi kria mós kondisaun ba povu, ami husu atu solusiona problema sosiedade-nian”.nia fundamenta