Portugal Halakon Timor-Leste Ho Skore 1-0

Imagem : Jogador Portugal

SAPNewsTL, Dili: Ekipa husi Portugal konsege manan mihis ekipa Timor-Leste ho skore 1-0.

Bainhira jogu kick of ekipa rua halo Kedas jogu tuir estratejia ida-idak nian hodi halo presaun ba malu maski kampu nia du’ut bokon tanba udan antes jogu hahu.

Ekipa Portugal hala’o jogu ho joga dook enkuantu ekipa Timor-Leste joga ho hein halo kontra atake.

Iha minutu 23 jogador husi ekipa Timor-Leste hetan oportunidade diak liu area penalidade Portugal nian hodi tiru bola ba baliza Portugal maibe bola kona besi rin.

Iha minutu 39 jogador Timor-Leste ho numeru kamizola hetan oportunidade suta bola ba baliza hein atu redi laran maibe jogador Portugal konsege suta sai bola la konsege muda skore.

Depois jogu parte dahuluk remata skore nafatin impata ho 0-0 tanba la iha jogador husi ekipa marka golu.

Tama fila fali ba ba jogu parte daruak iha minutu 55 treinador husi Portugal halo mudansa ba nia jogador hodi troka kedas jogador nain tolu.

Iha minutu 59 ekipa Portugal hetan bola suta falta maibe la konsege suta hodi marka golu bola dok husi redi baliza.

Iha minutu 61 treinador husi Timor-Leste halo mudansa hodi troka jogador nain ida, iha minutu 67 treinador husi Portugal troka jogador nain ida. Iha minutu 72 treinador husi Portugal troka tan jogador nain ida.

Iha Minutu 80+3 Jogador husi Portugal marka golu liu husi suta bola falta hodi halo redi Timor-Leste nakdoko tanba baliza Timor-Leste la konsege asegura nia redi ho diak hodi muda skore ba 1-0.

Depois minutu 80+5 remata skore mantein 1-0 hodi fo vitoria ba ekipa Portugal.