Povu Kontinua Moris Iha Situasaun La Merese, KEJUFAT Husu Favor Ba MOP & IGE

SAPNewsTL, Dili: Klibur Estudante Juvetude Fatumea (KEJUFAT)husu Ministeriu Obras Publika (MOP) no Institutu Gestaun Ekipamentus (IGE)normaliza lalais estrada Fatumea, Covalima ne’ebe afeta husi rai halai iha loron 5 fulan janeiru 2023 tanba despaixu husi MOP sai iha loron 12 fulan janeiru 2023.

“Ami ladun satisfaz tanba despaixu husi MOP sai ona iha loron 12 Fulan Janeiru liu ba maibé to’o agora ekipa husi IGE seidauk to’o fatin akontesimentu, sera ke preokupasaun hirak ne’e la nesesariu atu tulun, ami husu favor no tulun tomak ba MOP ho IGE tau netik konsiderasaun ba preokupasaun hirak ho seriedade”, dehan Responsável KEJUFAT Rui de Fátima Amaral ba jornalista SAPNewsTL via telefone, segunda (23/01/2023)

Responsável ne’e hatutan, relasiona ho rai halaiakontese iha suku Fatumea iha loron 5 fulan Janeiru 2023, makEkipa KEJUFAT hala’o kedas sorumutu internal ho organizaun suku Fatumea ne’ebé ho naran Unidade Estudante no Intelektual Suku Fatumea (UNEISFAT) hodi halo diskusaun kona-ba akontesimentu raí halai iha Suku Fatumea Aldeia Fatumea, Covalima, depois ekipa sira halo diskusaun no deside hato’o pedidu emerjensiabaMOPnoIGE iha nasional,iha dia 10fulan janeiru 2023 no hetan despaixu husi MOP AbelPires da Silva iha loron 12 Fulan Janeiru 2023.

Nia Informa, iha pedidu ne’e sira hato’o halo normalizasaun estrada ne’ebé aat iha Suku Fatumea aldeia Fatumea, Covalima, sira halo ida ne’e tanba bazeia mós ba observasaun husi sira rasik katak durante Timor ukun an ona estrada hirak ne’e tinan ba tinankomunidade susar tebes atu halo movimento ho di’ak, portantu sira mos halo ona pediduiha fulan hirak liu ba ekipaIGE konsege to’o duni fatin tuir pedidu ne’ebé husi estudante akademikuno juventude postu Fatumea nian, maibémenus kontrolu entaun normalizaun seidauk hotu makina pezu ne’ebé destaka ba postu Fatumea la konsege finaliza tuir pedidu ne’ebé iha tanba kauza combustível no sira seluk tan

Rui afirma, sira preokupatebes ho situasaunne’e maka sira hakarak fanun nafatin na’i ulun sira atu labele husik povu balun moris iha terus no susar nia laran, tamba dala barak na’i ulun barak tun ba baze ko’alia ba povu dehan rai ida sosa ho ruin ho ranmaibé kuitadu Povu barak moris iha situasaun ne’ebé la merese, na’i ulun sira sente seguro hela de’it lolos sira moe baihira ba ko’alia fila fila maibé asaun laiha,na’i ulun hotu jeralmente hanesan deit, ba vizita povu halo fiskalizasaun iha postu Fatumea, na’i ulun sira la’o mai husi Tilomar to’oFatumea sente Di’ak hela tamba ho karreta luxu ho vidru metan no oklu metan mós taka metin Na’i ulun sira la sente dehan estrada Fatumea ne’e aat, ikus mai povu sira simu sira no fó basa liman tara tais maibe sira fila fali ba toba dukurhaluha tiha promesa hirak ne’ebe ko’alia ho oin hamnasa ba povu iha postu ida ne’e.

Jornalista : Augutos dos Santos