Imajen Intervista Presidente (EDTL.ep) Paulo da Silva iha Palásiu Presidensial, Quarta feira ne’e 5/10)
SAPNewsTL (Dili) : Presidente Konsellu Administrasaun Eletrisidade de Timor Leste Empreza publika (EDTL. ep) Paulo da Silva, hato’o prestasaun servisu ne’ebe EDTL.ep halo Durante ne’e ba Xefe Estadu Jose Manuel Ramos Horta iha Palásiu Presidensial Nicolau Lobato Bairo-Pite Quarta-feira ne’e.
“Ohin Membru Konselhu Administrasaun husi EDTL.ep mai partilha ho Sua Excelénsia Presidente da Repúblika kona-ba servisu ne’ebe EDTL.ep halo Durante ne’e, ita relata ba sua exselénsia kona-ba progressu sira ne’ebe ita halo, inisiativa sira neebe ita iha para bele melhora liu tan servisu eletrisidade ninian”. Dehan Presidente (EDTL.ep) Paulo da Silva iha Palásiu Presidensial, Quarta feira ne’e 5/10)
Tuir Presidente EDTL.ep oras ne’e dadaun EDTL.ep halo hela kobertura ba populasaun sira ne’ebe seidauk asesu ba energia eletrika inklui planu alternativa sira ne’ebe iha ba futuru
“Ohin hato’o mos ba sua exselénsia, inisiativa sira kona ba Plano alternativu sira, energia alternativu sira ne’ebe ita halo, estudu sira ne’ebe iha, depois haree oinsa mak bele hatun kustu produsaun energia”. ( tenik nia)
Aleinde ida ne’e, EDTL.ep mos halo Progressu kona-ba kobertura prosesu energia eletrika, halo programa eletrifikasaun nasional liliu ba Suko sira ne’ebe seidauk asesu ba energia eletrika.
“EDTL.ep halo programa ida fahe ba faze 3, primeira faze orienta 4 projetos kobre 24 sukos. depois 2 faze 34 projetos kobre 17 sukos. Ida seluk mak 36 projetos kobre 23 sukos. Ne’e implementasaun La’o hela primeiro faze mak projetos la’o hela iha suku 6 konklui 100% ona, balu La’o hela espera Fulan ida ho balu ita konklui Tan, segundo faze mos tama ona implementasaun kompanhia hahu konstrusaun iha terenu, terceiro faze finaliza ona atu tama ba faze finalizasaun, avaliasaun tekniku Finansia i depois ita asina kontratu ho kompanhia sira para sira implementa”. (Informa Presidente EDTL.ep)
Entertantu, Suku tolu mak seidauk lansa tenderizasaun, semana oin sei lansa mak ida iha suku Fatukalu Same, ida seluk iha Suku Makerek iha Manatutu, no ida seluk iha Fatumea, semana oin lansa tan, tinan ida ne’e promove suku hotu laos asesu hotu maibe promove hotu prosesu eletrificasaun
Enkuantu, tuir dadus hatudu katak 378 sukus iha teritoriu Nasionál exeptu RAEOA asesu ona Eletrisidade, portantu 51 sukus mak seidauk asesu eletrisdade, maske nune’e maibe husi nia parte sei esforsu liu tan hodi promove ba eletrifikasaun ba populasaun hotu
Jornalista : Vinsensius Saldanha
Editor : Ekipa Editorial