Imajem : Presidente CNE José Belo iha salaun Laline Larigutu, Sabadu, (16/11/2024)
SAPNewsTL, Díli — Komisaun Nasionál das Eleisoen (CNE Sigla Portugués) realiza Programa Edukasaun Sívika ba sívitas Akademikas Universidade Díli (UNDIL) ho nia tema jeral, “Politika Desentralizasaun Timor-Leste, Promóve Poténsia sira Espesifiku ba Programa Dezenvolvimentu Lokal” iha nivel munisipal to’o nasionál.
Iha Diskursu Prezidenti Komisaun Nasionál das Eleisoens José Belo informa, estudante sira mak agente kontributor ba nasaun Timór-Leste, tamba ne’e liu-liu Programa Edukasaun Sívika CNE ba sívitas Akademikas Universidade Díli sira hanesan instrumentu kapasitasaun hodi kapasita estudante sira koiñese kona-ba Promóve Potensia Espesifiku ba Programa Dezenvolvimentu Lokal.
“Ita iha hanoin katak ema labele estuda de’it, maibé ema tenki sai ajente hodi apoiu ita nia estadu Timor-Leste liu-husi matenek ne’ebe estudante sira hetan, Dezenvolvimentu Lokal ne’e hahu husi baze, oinsa promove poténsia espesífiku sira ne’ebé eziste”. Dehan Prezidente CNE José Belo, iha salaun Laline Larigutu, Sabadu, (16/11/2024)
Nia salienta, dezenvolvimentu lokal importante tebes atu dignifika no dezenvolve potensia sira iha nivel munisipal, tanba ne’e mak universidade sira, aleinde sai fatin aprendizajen, maibé universidade mos iha rekursu profisional hodi serbisu ba nasaun iha futuru mai.
Diretor Jeral Politika Dezenvolvimentu Poder Lokal Ministériu Administrasaun Estatál (MAE) Virgilio da Costa afirma, tuir Konstituisaun Repúblika Demokratiku de Timor-Leste (RDTL) artigu 5⁰ ko’alia kona-ba Desentralizasaun.
“Objetivu prinsipal Promóve dezenvolvementu ba setor privadu iha area rurais, hanesan eleisaun ne’ebe hala’o iha suku mai to’o nasionál, tuir ita nia konstiuisaun RDTL ko’alia, desentralizasaun hatur iha antigu 5⁰, oinsa estadu respeita, ita nia organizasaun sira ne’ebe eziste hosi administrasaun públika iha ita nia nasaun”.Nia sublinha
Nia hatutan, ekipa MAE iha baze atu idetifika partisipasaun komunidade halo kooperasaun ho estadu oinsa promove potensia espesífiku sira ne’ebe iha liu husi formasaun no implementasaun iha baze.
Entretantu, iha programa Edukasaun Sívika ho nia tematika Politika Desentralizasaun Timor-Leste ne’e hetan partisipasaun máximu husi Prezidente CNE José Belo, Diretor Jeral Politika Dezenvolvimentu Poder MAE, Virgilio da Costa, Diretor Jeral CNE, Diretor Nasional Administrasaun CNE segundu Vise Reitor UNDIL, no estudante UNDIL sira.
Jornalista: Marcela Mery & Elenora Fatima