Imajem : Vigáriu Jeral Igreza Katólika Independente Timor-Leste. Foto : Sosial Media
SAPNewsTL, Dili : Relasiona ho ezisténsia Igreza Católika Carismátika Timor-Leste (ICCTL) ne’ebé nomeia ona ninia Vigáriu Jeral Dom Martinho Lopes, Mgr. Afonso Maurecy Titfeci hamutuk ho padre no madre sira, iha ne’ebé halo públiku preokupa, ohin parte seguransa halo ona kapturasaun ba nia vigáriu jeral hodi halo investigasaun ba sira nia ezisténsia.
Polísia Sientífika Investigasaun Kriminal (PISK) halo ona kapturasaun ba Vigário Geral ida, enkuantu vigáriu jeral sira seluk hamutuk ho nia padre no madre sira ne’ebé hamahan an iha Igreza Católika Carismátika Timor-Leste alias katólika independente (ICCTL) balun halai lakon no seidauk hetan kapturasaun.
Fo hanoin fali katak, antes ne’e Igreza Katólika Independente ne’ebé eziste iha Timor-Leste lori naran Dom Carlos Filipe Ximenes Belo, SDB. maibe Dom Carlos deklara katak nia parte la rekunhese sira.
Tuir deklarasaun ne’ebé SAPNews asesu hosi Dom Carlos Filipe Ximenes Belo katak nia la hatene se mak sira no konsidera uza ninia arbiru deit tanba nia la hatene buat ida kona-ba asuntu ne’e.
“Ha’u Dom Carlos Filipe Ximenes Belo, SDB. Deklara katak ha’u la konhese sira ne’e no la hatene buat ida. Uza ha’u nia naran arbiru deit”.
“Ita hein Amu Bispu no Padre sira hatene serviço didiak ba Igreja Católica e hamutuk ho Amo Papa iha Roma. Ha’u la hatene buat ida, ha’u mos la konhese sira ne’e se? Uza ha’u nia naran arbiru deit. Ita reza ba malu nafatin”, Dom Carlos Filipe Ximenes Belo, SDB, 23 Novembro 2024. SAPNews Screenshot.
Entretantu, SAPNews tenta halo ona komfirmasaun ho parte grupu igreza katóliku independente ne’ebé halo publikasaun kona ba asuntu hirak ne’e maibé seidauk hetan resposta hosi sira.
Antes ne’e grupu katóliku independente fo sai sira nia dadus katak sira rejista membru hamutuk rihun tolunulu resin neen ba leten (36 mil itál) no oras ne’e estabelese ona sira nia baze iha munisípiu sira.
Maske nune’e, maibé Igreza Katólika Timor-Leste liu hosi Conferénsia Episcopál Timorense (CET) seidauk halo deklarasaun ruma ligadu ho asuntu refere.
Entretantu, iha Konstituisaun Repúblika Demokrátika Timor-Leste, artigu 12⁰ kona ba Estadu no Konfisões Relijiozas define iha alinea 1 no 2 garante sira nia direitu no funsionamentu, enkuantu aposta ba bem estar komun sosiedade nian tuir lei inan no lei oan sira.
1. Estadu rekunhese no respeita diferente konfisões relijiozus/as, iha ne’ebé livre ba sira nia organizasaun no hala’o atividade rasik tuir konstituisaun no lei haruka.
2. Estadu promove kooperasaun ho diferentes konfisões relijiozus/as hodi kontribui ba bem estar povu Timor-Leste nian.
Jornalista : Ekipa Kobertura
#CET #timorleste #Sapnewstl #igreza #Katólika #Dili #PSIK