Imajem : Presidente Tribunal Rekursu Afonso Carmona simu pose hosi Prezidente Repúblika José Ramos Horta iha Palásiu Prezidensial Dili, 29/04/2025. Foto : Media PR
SAPNewsTL, Díli : Presidente Tribunal Rekursu (PTR) Afonso Carmona promete, nia parte sei hala’o kna’ar ho responbilidade hodi garante setor Justisa, defende direitus judisial ba ema hotu ho igual no promove klasse ofisial ba juís no funsionariu sira ne’ebe servisu kleur ona iha instituisaun.
Iha diskursu, Presidente Tribunál Rekursu (PTR) Afonso Carmona hateten, kna’ar foun ne’ebe Presidente Republika (PR) Jose Ramos Horta atribui ba nia, la’os oportunidade maibé responsabilidade ida durante mandatu tinan haat (4).
“Ha’u hakarak fo obrigadu ba ita boot sira hotu, no hakruuk ba ita bo’ot sira hotu ne’ebe fo konfiansa hodi kredita ha’u simu responsavel
hanesan PTR, ha’u simu responvel ida ne’e ho korajem, unidade no determina atu fo kontribusaun diak ba nasaun no povo Timor Leste,” Dehan PTR Afonso Carmona hafoin simu posse husi Presidente Republika Jose Ramos Horta, iha Palasiu Presidensial Nicolau Lobato Aitarak-laran Tersa feira ( 29/04/2025)
PTR Afonso Carmona afirma, tuir Konstituisaun
Republika Demokratika Timor-Leste (K-RDTL) Artigu 124 numeru ida (1) koalia kona-ba Tribunál Supremu Justisa mak órgaun bo’ot liu iha órgaun ierarkia tribunál judisial hotu-hotu nian, no mós fó garantia atu aplika lei oin ida de’it ho juridisaun iha nasaun tomak nia laran, maske Timor seidauk estabelese maibé Timor
garante justisa no defende direitus ba ema hotu.
“Ita hotu hatene katak iha historia Timor Leste wainhira seidauk instala Supremu Tribunal Justisa, entaun Tribunál Rekursus mak funsiona ho nia papel fundamental iha seguransa husi tribunál supremu. Supremu Lei garante justisa no defende ema hotu-hotu nian ho hanesan” Dehan Afonso.
Eis Juís Administradór Tribunál Distritál Dili ne’e realsa, tribunál rekursus hanesan orgaun soberanu nian iha poder judisiariu presiza hetan apoiu husi órgaun soberanu sira seluk no konfiansa publiku ho prinsipiu independensia integridade no efisiensia, Tenik nia.
“Ha’u komprende katak iha tempu oin dezafios sei aumenta liutan, mudansa sosial, dezenvolvimentu teknolojia no realidade global fo ita obrigasaun atu adapta ba tempu, entaun ita presiza entende kona-ba tribunál rekursus hanesan órgaun soberanu nian iha poder judisiariu ne’ebe presija hetan apoiu husi órgaun soberanu sira seluk” Nia subliña.
PTR Afonso Carmona hatutan, nia parte sei serbisu hamutuk ho autoridade sira hodi halo promosaun atu propoin aumenta no promove juíz sira tuir klasse, bazeia ba K-RDTL Artigu 121 ne’ebe sita kona-ba kna’ar jurisdisionál ne’e juís sira nian de’it, ne’ebe simu kna’ar tuir lei haruka no hala’o kna’ar ho independente.
“Iha lideransa ha’u nian, ha’u propoin aumenta kualidade desizaun sira liu husi fortalesimentu monitozizasaun interna, promove juís sira nia klasse ofisial justisa sira no funsionáriu sira tuir sira nia funsaun hodi promove no hetan kondekorasaun ba juíz sira ne’ebe servisu kleur ona” PTR Afonso dehan.
Aleinde ida ne’e aktual Presidente Tribunál Rekursus Afonso Carmona hato’o agradesimentu wa’in ba Eis Presidente Tribunal Rekursu Deolindo dos Santos ne’ebe sai hanesan pessoa inovativu ida hodi lidera tribunál durante tinan ualu (8).
“Iha oportunidade ida ne’e ha’u mós hakarak fó respeitu bo’ot ba Presidente Tribunal Rekursus antes. Tamba nia lideransa no inovasaun sira ne’ebe hadia sistema justisa, ida ne’e ita sei kontinua ho respeitu no determina lori vizaun diak ba tempu oin” Hakotu Nia.
Substituisaun aktual Presidente Tribunál Rekursu Afonso Carmona hodi troka Deolindo dos Santos, bazeia ba dekretu Presidensial, numeru 35/2025 fulan Abril tinan 2025 ne’ebe publika iha loron 29 Abril 2025 iha Jornal da Republica.
Jornalista : Vinsensius Saldanha Morais De Araujo