Imajem Padre Koselebrante fo bensa ba ramos tahan iha Kapela Kanunp-Hera, 02/04/2023
SAPNewsTL, Dili : Iha selebrasaun Solenidade Domingo Ramos Pe. Gabriel Suban SVD Haktuir Domingu Ramos sarani mundu tomak selebra Jesus Kristu tama ba Jerujalém ho ksolok nu’udar liurai ne’ebe iha dalan atu ba terus no mate hodi manan salvasaun mundu nian
“Solenidade Domingu Ramos, ita selebra paisaun kristu nian maibe na verdade iha parte rua: 1. Jesus tama ho ksolok iha jerujalem nu’udar liurai, 2. Liurai ida ne’ebe la’o liu husi dalan terus no mate, lori ita mos bele tama iha gloria rohan laek no manan salvasaun mundu nian”. Tenik Pe. Gabriel Suban SVD ba Jornalista SAPNewsTL iha Kapela Akanuno Hera, 02/04/2023
Padre Selebrante ne’e hatutan “Ita mos iha Selebrasaun hanoin hikas dalan ne’ebe ita Nain jesus Kristu rasik mak la’o iha dalan paisaun ne’e, nia rasik dehan mai ita katak, Ema ne’ebe hakarak tuir Ha’u tenki hakribit nia-an, lori ida-idak nia kruz hodi lao tuir Ha’u”. Nia konta
Nia akresenta, Selebrasaun Domingo Ramos hanesan paisaun Na’in Jesus Kristu nian ne’ebe lori ema hotu hanoin fila fali ninia Vokasaun no identidade nu’udar sarani ne’ebe hatene la’o iha dalan konvensaun Hakribit nia an no korajen atu lori nia kruz, terus hamutuk ho nia no moris hias mos ho nia.
Imajem : Pe. Gabriel Suban SVD iha Kapela Akanuno Hera, 02/04/2023
Padre ne’e konsidera “Semana santa na verdade nu’udar selebrasaun eh kulminasaun ba ita ninia fiar ba kristu ne’ebe terus,mate no moris hias, La iha resureisaun sem morte. Tenki mate uluk mak resucitado dos mortes, ida ne’e lori ita ne’ebe fiar, fo mai ita salavasaun ne’e katak Salvasaun nee laos obra ita ema nian”. Nia hatete
Nia Fundamenta, Salvasaun ne’e obra maromak nian laos humana tanba ne’e presiza konsiente katak: “Ha’u ne’ebe halo hahalok diak kmanek barak tuir Kristu nia hanorin ne’e, Laos atu tama ba Lalehan maibe tanba nia Soi no Salva ona Ha’u, Ita tenki fila atu ita ninia konseitu ka formula kona-ba doutrina ne’e, tanba dalaruma ema hanorin ita iha katekeza katak “O tenki halo hahalok hanesan ne’e para o tama iha Lalehan, La’os tenki halo maibe ha’u halo tanba ha’u hetan ona salvasaun husi Maromak liu husi Nain Jesus nia terus no mate no moris hias”. Nia reforsa
Enkuantu, Padre Selebrante ne’e mos husu atu ema hotu bele atu labele beibeik halo odiu no vingansa, konta ema nia vida, tolok ema, trata ema, la tulun ema, halo negasaun no traisaun ba ema, hatun ema tanba ema hotu hanesan iha maromak nia protesaun no salvasaun
Jornalista : Esmeralda da Silva