imajen Doasaun Ran husi RENETIL ba Hospital HNGV, iha sede RENETIL, sexta(13/01/2023)
SAPNewsTL,DILI : Membru Rezistencia Nacional dos Estudantes de Timor-Leste(RENETIL) nain-27 hala’o doasaun ran ba “Banco Sangue” Hospital Nacional Guido Valadares (HNGV) tanba stok ran menus, asaun ida ne’e nu’udar solidariedade fo ajuda ba maluk sira ne’ebe presija tanba ran turuk ida bele salva ema seluk nia vida
“Doasaun Ran hanesan atividade karidade ida ohin ami RENETIL nain-27 halo, atu simbolikamente konvida Timor oan tomak hodi solidariedade ba malu, tanba ne’e mak ohin ita hasai ran fo ba “Banco Sangue” hodi nune’e bele uza atende ba ita nia ema sira ne’ebe mak presiza, tamba durante semana hira nia laran sai iha notisia katak iha “Banco Sangue” ran menus atu fo ba ema”, dehan sekretariu geral organizasaun RENETIL Joaquin de Fonseca Russo ba jornalista sira iha sede RENETIL, sexta(13/01/2023)
Sekretariu Jeral renetil Joaquim Fonseca
Nia haktuir, aktividade doasaun ran ne’e koopera hamutuk ho HNGV, banku de sangue, Cruz Vermelha no membru sira hamutuk 27, inisiativa ida ne’e koperasaun ho “Banco Sangue” de sangu, HNGV no Cruz Vermelha, nia hein katak atividade ida ne’e bele kontinua nafatin, tanba ran gota ida bele salva ema nia vida, ohin partisipa mos husi joven hadomi natureza no joven ba turismu, doasaun ne’e nakloke ba ema hotu ne’ebe hakarak mai
Iha fatin hanesan Jerasaun foun RENETIL Luis Gracia konsidera doasaun ran ne’ebe sira hala’o hanesan asaun solidariedade no kariedade ba ema sira ne’ebe mak presija
“Ita hotu hatene katak doasaun ran nee hanesan asaun solidaridade no karidade ba ita nia maluk sira ne’ebe presiza ran, no kontinua oferese ita nia ran ba ospital atu nune’e iha kualker momentu, ita nia ema ka sidadaun sira presiza duni ita bele fo”, tenik nia
Luis Gracia
Jerasaun foun ne’e husu ba ema hotu-hotu liu-liu ba foinsa’e sira atu halo doasaun ran ba ema ne’ebe presija tanba sai hanesan asaun kariedade ida, karik sira ne’ebe mak posibilidade bele ajuda maluk sira tanba ran turuk Ida bele ajuda ema nia vida, tanba liu husi oferese ida ne’e ita bele ajuda ema rihun ida liuliu salva ema nia vida iha minutu ikus.
Entertantu stok ran ne’ebe mak agora menus iha banco Sangue HNGV mak ran ho tipu AB no tipu O.
Jornalista : Aquelina Taec & Esmeralda Da Silva