Imajem Diskursu Sekretariu Estadu Protesaun Civil Joaquin Martins, Iha Hotel Timor Colmera, Dili kuarta (07-01-2023).
SAPNewsTL, Dili: Autoridade Protesaun Sivil (APC sigla portuges) hamutuk ho ekipa organizasaun Internasional Migrasaun (IOM sigla Portuges) Timor Leste hala’o konferensia dahuluk hodi ko’alia kona ba servisu protesaun sivil nian iha Rai laran.
“Ohin Ita halo konferensia dahuluk, Ita iha ona Prezidente APC no iha ona komandante operasional ba munisipiu sira husi partisipa diretor sira mai husi munisipiu 13 ho RAEOA ho objetivu ne’e atu halo diskusaun ba lei protesaun sivil nian no formaliza komandante munisipiu sira sei halo exersisiu hodi nune’e bele responde ba dezastre iha kampu” Hateten Sekretariu Estadu Protesaun Civil Joaquin Martins Iha Hotel Timor Colmera, Dili kuarta (07-01-2023).
Sekretariu Estadu hatutan, partisipante husi atividade ema mai husi Munisipiu 13 ho diretor nasional sira ne’ebe mak inklina a’an iha autoridade nia okos hodi hare’e no fahe informasaun ba dezafiu saida mak sira hasoru iha tempu difisil atu sira bele atende, servisu protesaun sivil durante 24 horas tanba sempre iha kordenasaun ho autoridade munisipiu sira iha teritoriu tomak bele responde ba situasaun sira mosu hanesan udan boot no anin boot
Nia informa, sira mos simu informasaun husi diresaun nasional sira, fahe ba komunidade sira, nune’e sira mos bele tau atensaun ba problema hirak ne’ebe sira hasoru liuliu ba sira ne’ebe hela iha mota ninin, tasi ibun no foho lolon, sira bele toma atensaun ba udan boot, perigu ne’ebe atu mai atu, sira bele hases an ba risku hirak ne’e hanesan komunidade ne’ebe hela area Comoro, Becusse no Karantina Tasi tolu, fatin risku sira iha tempu udan bele fo impaktu be’e nakonu ho rai halai no komunidade sira ne’e mak sei sai vitima ba dezastre natural ne’e.
Enkuantu, daudaun ne’e APC regista ona vitima ba dezastre sira hamutuk atus tolu hitunulu resin-ida (371), entre sira balun hetan ona apoia no balu seidauk
Jornalista : Aquelina Mangalhaes