Renova Aeroportu Comoro, TL-Austrália Selebra Akordu Kontribuisaun & Empréstimu

(SAP NewsTL) DILI – Governu Timor-Leste no Austrália anúnsia parseria foun liu husi Australian Infrastructure Financing Facility for the Pacific (AIFFP), ho pakote finanseiru ho millaun 68.4 USD konsesionál ba reabilitasaun Aeroportu Internasionál Nicolau Lobato hodi suporta Timor-Leste ninia rekuperasaun, diversifikasaun no reziliénsia ekónomika iha rai laran tanba portaun prinsipál nasaun nian mak aeroportu ne’ebe sai xavi ida atu hasa’e oportunidade ekonómiku Timor Leste nian

“Australia halo parseria foun ho ita nia rai hodi pakote finanseiru ne’ebe empréstimu millaun 40USD no kontribuisaun millaun 28.4USD liu husi AIFFP no programa bilaterál Department of Foreign Affairs and Trade ba renovasaun Aeroportu Internasionál Nicolau Lobato ne’ebe sai nu’udar Governu Austrália nia kontribuisaun  husi nia programa parseiru ba infraestrutura ne’ebé fó fundu ba atividade preparasaun sira ba projetu refere”. dehan Ministru Finansia  Rui Augusto Gomes  ba jornalista iha salaun Nobre MNEK kinta (15/12/22).

 Ministru hatutan, Austrália nia parseiru ba apoiu insfraestrutura ne’e sei kompleta servisu adisionál ne’ebé maka realiza dadaun ona iha Aeroportu, hanesan hari’i pista foun ne’ebé hetan apoiu husi Banku Dezenvolvimentu Aziátiku (sigla Inglés ADB) no hari’i terminál foun ne’ebé hetan apoiu husi Ajénsia Japaun ba Kooperasaun Internasionál (sigla Inglés JlCA) nian

Austrália nia investimentu ida ne’e sei kontribui ba infraestrutu rai ne’e nian ne’ebe hari’i edifisiu foun ba terminál kargu, instalasaun fasilidade karantina ba animál ho ai-horis sira, hadia estrada no la’o fatin, renovasaun kareta sira-nia para fatin, fatin tula no hatún pasajeiru sira,   funsionáriu aeroportu asesu ba saude no seguransa, konstrusaun edifísiu ba ekipa bombeirus iha aeroportu, fasilidade saúde primária no hadi’a moru ne’ebé seguru liu tan no mos suporta operasaun no manutensaun aeroportu nian, hadia  fatin depózitu kombustivel nian,servisu eletrisidade, instala bee moos no bee dalan.

Iha fatin hanesan asistente sekretaria  divizaun maratima Ridwaan jadwat dehan, governu Austrália asina ona akordu finanseiru ba renovasaun ba aeroportu ne’ebe atu suporta rekuperasaun, diversifikasaun no rezilensia ekonomiku tanba aeroportu nu’udar portaun nasaun nian

“Governu Austrália ho Timor-Leste ohin asina ona akordu finanseiru ba  renovasaun Aeroportu Internasionál Prezidente Nicolau Lobatu iha Dili, liu husi AIFFP ne’ebe  pakote renovasaun ida ne’e  Austrália nia komitmentu atu suporta Timor-Leste ninia rekuperasaun, diversifikasaun no reziliénsia ekónomika iha rai laran tanba portaun prinsipál nasaun nian mak aeroportu ne’ebe sai xavi ida atu hasa’e oportunidade ekonómiku TimorLeste nian”, tenik Ridwan

Ridwan akresenta, Australia sei hamutuk ho Banku Dezenvolvimentu Aziátiku (sigla Inglés ADB), Ajénsia Japaun ba Kooperasaun Internasionál (sigla Inglés JICA) no Korporasaun Finanseira Internasionál (sigla Inglés IFC) hanesan Timor-Leste nia parseiru iha projetu renovasaun aeroportu ida ne’e

Austrália nia kontribuisaun no investimentu ida ne’e dezeña ona ho objetivu atu hadi’a povu Timor-Leste nia moris no maximiza empregu lokál, liuliu  feto sira Governu Austrália mós fó finanseiru  apoiu projetu preparasaun sira liu husi sira-nia programa parseiru ba Infrastrutura no parseiru finansiál ida ne’e asina iha Dili, husi Sua Exelénsia Dr Rui Augusto Gomes, Ministru  Finansa Timor-Leste ho Ridwaan Jadwat, Asistenti Sekretária Primeiru, Divizaun Maritima, Gabinete Sudeste Aziátiku, Department of Foreign Affairs and Trade

Nia informa, Australia iha komitmentu atu hametin relasaun bilateral ho Timor-Leste ne’ebe hari’i projetu kualidade haforsa ekonomiku nasaun ne’e nian ne’ebe orsamentu ba renovasaun aeroportu ne’e mai husi imprestimu no kontribuisaun Australia nian ne’ebe finansia husi AIFFP

“Austrália iha komitmentu atu hametin relasaun bilateral ho Timor-Leste,  sai nu’udar parseiru ne’ebé hari’i projetu infrastrutura ho kualidade no reziiente ba klima, haforsa atividade ekonómika, kria empregu lokál sira no pakote finanseiru konsesional ida ne’e mak Austrália nia empréstimu bilaterál dahuluk ba Timor-Leste, ida ne’e marka momentu importante ida iha ita-nia relasaun bilaterál ne’ebe pakote ho montante millaun 97.7AUD (68.4USD) ida ne’e mai husi empréstimu hamutuk milaun 57.1AUD (40.0USD) no millaun 40.6AUD (28.4USD) kontribuisaun finanseiru husi AlFFP ne’ebe hanesan kreadór ne’ebé boot liu iha rejiaun ne’e, Austrália iha komitmentu atu lori projetu infraestrutura ne’ebé sustentavel, liu husi AlFFP ne’ebé servisu tuir padraun internasionál nian no sei la impoen tusan ne’ebé la sustentavel”, Ridwan hateten

Reportajen  : Antonio Tilman

Editor           :  Ekipa Editorial