Imagem : Isin Mate Papa Francisco iha Bazílika São Pedro, Vatikanu, 24/04/2025. Foto : Vatican News
SAPNewsTL, Vatikanu : Papa Francisco nia rate (túmulo) ka deskansa fatin ikus prepara ona, projetu ne’e halo hosi mármore ho letra “FRANCISCUS”.
Tuir komunikadu ne’ebe SAPNews asesu liu hosi Vatican News hakerek katak projetu rate ba Santu Padre Papa Francisco prepara ona ho mármore.
“Projetu rate ka horik fatin Papa Francisco fo sai ona, rate ne’e halo ho mármore hosi rejiaun Ligúria iha Itália, iha de’it inskrisaun “FRANCISCUS” no reprodusaun ida hosi nia krús pektorál”.Sita Página Vatican News, Vatikanu, 24/04/2025
Página ofisial Vaticano ne’e sita mós katak “Amu-Papa nia hakoi fatin prepara iha nixu ida iha nave laterál Bazílika Santa Maria Maggiore nian, entre Kapela paulina (Capela da Salus Populi Romani) no Kapela Sforza ne’ebe lokaliza besik iha Altár São Francisco nian”.
Imajem : Túmulo Santu Padre Papa Francisco
Vatican News sita mós katak oportunidade vizita ba Bazílika São Pedro hodi presta omenajem ba Papa Francisco sei dura to’o sexta-feira, 25 Abril 2025.
“Fiar na’in sira sei bele despede Papa Francisco to’o kalan no loron, sesta-feira, 25 Abril, tanba Roma prepara ba funeral iha loron-sábadu, 26 Abril”. Sita Vatican News
Tuir mai, iha Domingu, 27 Abril, Papa Francisco nia rate sei loke ba sarani sira hodi halo vizita.
Versão Português :
Foi divulgado o projeto do túmulo do Papa Francisco.
Feito em mármore da região da Ligúria, na Itália, traz apenas a inscrição “FRANCISCUS” e a reprodução de sua cruz peitoral.
O local da sepultura do Papa foi preparado em um nicho da nave lateral da Basílica de Santa Maria Maior, entre a Capela Paulina (Capela da Salus Populi Romani) e a Capela Sforza, e está localizada próximo ao Altar de São Francisco.
No domingo, 27 de abril, o túmulo do Papa Francisco já poderá ser visitado pelos fiéis.
Jornalista : Ermelinda Soares