Imajem : Trabalhadora, Simoa Gabriela Belo iha hotel Palm spring Dili, Hotel Nilton, 07/08/2025.
SAPNewsTL, Dili -Sekretariu Estadu Formasaun Profisional no Empregu (SEFOPE) liu husi Diresaun Nasionál no Empregu Externa (DNEE) despede tan trabalhador timoroan hamutuk 103 ba servisu iha Austrália.
Dircia Baptista Belo – SAPNewsTL
Sekretáriu Estadu Formasaun Profisional no Empregu (SEFOPE) Rogerio Mendonca hatete ohin SEFOPE despede trabalhador no oportunidade ne’e partisipa mós hosi Ministra Australia Dezenvolvimentu Internasionál hodi fo despedida ba trabalhador ne’ebé atu ba servisu iha Austrália hamutuk 103.
“Ohin, Sekretáriu Estadu Formasaun Profisional no Empregu no Ministra Negósiu Pequeno Dezenvolvimentu internasionál ho multikultura mak husu direita mai iha SEFOPE hodi hola parte iha serimónia despedida ba trabalhadores sira ne’ebé mak atu ba servisu iha Austrália”.
“Husi sorumutu ne’ebé SEFOPE ho Ministra hala’o, Ministra kontente teb-tebes katak programa mobilidade laboral ne’ebé mak ita hanaran Palm scam fo benefisiu boot tebes ba Governu Austrália mezmu tempu fo mai iha Governu Timor-Leste”. dehan Sekretáriu Estadu Formasaun Profisional no Empregu (SEFOPE), Rogerio Mendonca, iha hotel Palm spring Dili, Hotel Nilton, 07/08/2025
Trabalhador hirak ne’e maioria trabalhador foun, sira ne’ebe husi re-entry hamutuk 17, traballador hirak ne’e prepara husi governu Timor-Leste liu husi Sekretáriu Estadu Formasaun Profisional no Empregu (SEFOPE).
Representante Trabalhadora, Simoa Gabriela Belo sente kontente tanba hetan oportunidade fila fali hodi halo servisu iha Austrália iha area Hortikultura.
“Ha’u sente kontente tanba hetan fila fali oportunidade bele ba servisu iha Austrália, iha area Hortikultura, iha Timor la hetan esperiénsia, ita bele ba ita-nia toos maibé iha fali Austrália dala ruma iha diferensia uituan”. Nia sublinha
Traballadora ne’e hatutan, dezafiu ne’ebé hasoru iha servisu fatin mak komunikasaun ho lian inglês, maibe sira sempre komunika ba kompaña nia na’in hodi bele ajuda iha terrenu.