SAPNewsTL, DILI-Sekretario Estado Formação Profisional e Emprego(Sigla Portugues, SEFOPE),halo komunikadu emprensa relasiona ho isu rua(2), ne’ebe mak espalha iha media sosial kona-ba materia exame teste vaga Australia no trabalhador Timor oan ne’ebe mai Timor ba Australia la bele tama fila-fali servisu.
Sekretario Estado Formação Profisional e Emprego, Rogerio Araujo Mendonça hateten katak issu espalha iha media sosial katak materia teste ezame eskrita vaga Australia ne’ebe (bocor), ne’e informasaun falsu.
“Hanesan públiku hatene ona katak primeira isu kona-ba materia teste ezame eskrita ne’ebe mak Ita lansa ona iha RAEOA mai to’o fila-fali iha Munisipiu Ha’at (4) ne’ebe mosu iha publiku, ema ne’ebe mak laiha responsabilidade lansa informasaun falsu iha publika katak materia ne’ebe ezame ne’e (bocor)ona, espalla ona iha Ita ninia joven sira nia liman, atu hatete deit katak informasaun nee falsu”Dehan Sekretario Estado profissional do Emprego Rogerio Araujo Mendonça ba jornalista sira iha Salaun SEFOPE,Segunda-feira(04/03/2024)
Materia ne’ebe mak produs ne’e laos Sefope mak halo deit maibe ne’e servisu husi ekipa parte Sefope ho ekipa dialetu ne’ebe mak parte Australia nian, daklara ba públiku katak teste ne’e sei garante kualidade.
Iha parte seluk, kona-ba issu ne’ebe mak espalha iha publika katak, trabalhadores sira ne’ebe mak mai ona husi Australia ema bolu Re-entry labele tama fila-fali,informasaun sira ne’e atu hatete deit ba publiku katak nu’udar sekretario Estado profissional Emprego seidauk hasai desijaun ruma, hodi hato’o ba publiku katak
“Joven sira ne’ebe mak mai ona labele hetan fali oportunidade ba servisu iha Australia, atu hatete deit katak Ita nia joven sira ne’ebe mak re-entry signifika katak sira iha kapasidade diak, Sira iha habilidade diak, sira iha atetude diak, sira iha komportamentu ne’ebe diak, ne’e mak kompanha sira bolu fila-fali sira hodi ba servisu”.Nia informa
Rogerio akresenta, ema hirak ne’ebe espalla informasaun ne’e kona ba materia teste vaga australia ne’e, agora daudaun SEFOPE prepara hela karta ba Polísia Sientífika Investigasaun Kriminal (PSIK) hodi loke investigasaun ba autor ne’ebe distribui materia refere.
“Ba joven ne’ebe mak espalla informasaun ne’e agora, parte Sefope prepara hela karta hodi hato’o ba PSIK bele kaptura nia, bele foti nia mai iha PSIK hodi loke investigasaun, se kazu mak iha distribuisaun ba materia ne’e nia toma responsabilidade ba iha ida ne’e.”
“Ita kuandu teste iha Munisipiu ida ho Munisipiu seluk lahanesan, Por exemplu teste iha Munisipiu Aileu iha ne’eba loron Ida lahanesan ba fali loron segundo lahanesan, Trabalhador sira iha Korea ne’e Mil e tal iha Australia Tres Mil e tal total Agora nee katorze Mil e Vinte (14020 traballador).” Rogerio dehan.
Governante ne’e husu traballador foun sira hodi hatudu komportamentu diak no prestasaun servisu, nune’e bele hetan fali bolu husi empregador sira iha Austrália.
“Trabalhadores Re-entry ne’e númeru ki’ik, Trabalhadores foun ne’e numeru ne’ebe boot, Trabalhadores sira Re-entry nee sai exemplu, trabalhadores foun ne’ebe aranka ba servisu Rai-liur tenke tuir trabalhadores sira ne’ebe re-entry sira hatudu ona liu husi prestasaun servisu, hafoin kompanha bele bolu fila-fali, se trabalhadores foun mak la hatudu komportamentu ne’ebe diak imi fila mai kompanha Sira sei la bolu fila-fali”,
SEFOPE ne’e deklara, to’o ohin loron seidauk iha traballador ne’ebe hato’o keixa katak kompanha halo violasaun ba direitu traballador nian.
“Iha Australia trabalhador sira seidauk mai Keisa iha ne’e ate presente data, kompanha sira halo violasaun ba direitu sira nian”.Rogério deklara
Jornalista : Dircia Baptista Belo