Imajen Intervista Diretor Ezekutivu CNC Hugo Maria Fernandes iha CNC Segunda (24/10/2022)
Dili – Centro Nasionál de Chega (CNC) hala’o semináriu siéntifiku kona-ba reflesaun ba produsaun konhesimentu istória Timor-Leste iha kontextu Dokumentasaun Istoria no Deskoloniza Istória, objetivu husi semináriu ne’e atu fanun no inspira Timor oan sira hodi hakerek istória Timor Leste nian no oinsa bele integra iha kuríkulum edukasaun
Tuir Direitor Ezekutivo Chega Hugo Maria Fernandes Seminar sientífiku ne’e programa regular CNC nian hodi exerce ba mandatu CNC nian no mos parte ida husi programa governo nian ne’ebe maka hamutuk ho CNC oinsa maka organiza konferénsia no semináriu kona-ba Istória Timor nian, Dehan ba jornalista iha CNC Segunda (24/10)
Entretantu, Hugu haktuir sermináriu ne’e, oinsa fanun Timor oan sira hodi halo peskiza, hakerek no publikasaun kona-ba Istória Timor nian ba Timor oan sira hotu
“Semináriu ida ne’e ho objetivo oinsa maka ita Timor komesa inisiativa sira atu produz ita nia istória, signifika halo peskiza hakerek halo publikasaun kona-ba ita nia istória rasik, integra istória Timor nian iha kuríkulum ensinu liliu husi ensinu primária to’o ensinu superior sira, ita halo reflesaun, maioria konteudu historia timor nian menus la halimar iha eskola sekundaria no ensino superior laiha materia historia”. Tenik Direitor Ezekutivo Chega Hugo Maria Fernandes ba Jornalista sira iha Salaun Komferénsia CNC Balide, Tersa (25/10) .
Nia akresenta, Tinan ne’e governu desevolve daudaun matéria Istória ba ensinu superior, tinan oin universidade sira mos iha ona materia historia
“Ita presiza revisaun ba ita nia instituisaun edukasaun sira, por exemplu agora iha instituisaun ensinu superior kuaze 19 iha Timor, maibe to’o agora laiha Universidade ida maka iha Fakuldade Istória tantu Departamento Istoria”. Nia Kestiona
Presidente Ezekutivo AJAR José Luis Oliveira
Iha fatin hanesan, Presidente Ezekutivo AJAR José Luis Oliveira hateten tinan ruanulu seidauk iha departamentu ida ne’ebe estuda kona-ba Istória, estudante Timor oan maioria sei estuda istória husi Portugueza no Brazileiru
“Diskusaun durante loron rua relevantes tebes hodi loke ita nia hanoin, ita tenke esforsu hodi deskonoloniza ita nia Historia rasik, loke ita nia neon, Timor oan rasik seidauk hakerek Istoria, Ita kuaze Tinan ruanulu ona seidauk iha politika ne’ebe forte, oinsa atu hakerek no dezenvolve ita nia historia rasik”. Dehan Presidente Ezekutivo AJAR José Luis Oliveira
Nia hatutan, Politika seidauk tau importansia no seidauk firme, Iha diskusaun sira konsidera importansia maibe na realidade iha universidade seidauk iha departamentu no seidauk iha unidade atu trata assuntu istória, Nune’e mos iha eskola esinu primária no sekundária inklui materia historia ne’e hakerek husi Portugueza no mos ema Brazileiru.
Historia ne’e sei domina ho sentimetu patriotismu no influensia Governu, Ministériu Edukasaun tantu Ministeriu Ensinu Superior Siensia no Kultura presiza tau importansia hodi dezenvolve material no kria formasaun ba Professor sira
“Historia ne’ebe professor sira fo sira hatutan deit ema nia historia no fo prezudika ba labarik sira laiha koneksaun ba rai ida ne’e ninia istória, tanba ne’e presiza tau importansia hodi desenvolve ita nia istória no kria formasaun ba professor sira”. Hakotu nia
Jornalista : Ermelinda Soares
Editor : Ekipa Editorial