Intervista SEJD Abrão Saldanha
(SAP News TL) DILI- Governu liu husi Sekretariu Estadu Juventude no Desportu (SEJD) apoiu 100,000 USD hodi komemora loron istoriku juvetude Timor-Leste 12 Novembru 1991
“Ita nia governu apoiu orsamentu ho montante 100, 000 USD ba komemorarasaun 12 Novembru 2022 ne’ebe sai hanesan loron ba juventude sira iha Timor-Leste hodi fo orna ba juventude loriku asuwain Masakre Santa Kruz iha loron 12 fulan Novembru 1991, orsamentu ne’ebe ba munisipiu sira hotu inklui nasional”. Dehan SEJD Abrão Saldanha ba jornalista sira iha edifisiu CNE Caicoli, Dili kuarta (9/10).
Sekretariu Estadu akresenta tan, komemorasaun ne’e komesa ona iha fulan outubru ne’ebe memoraliza Saudozu Max Sthal no Sebatião Gomes, Komisaun mos sei halo mos atividade lubuk ida mak hanesan semináriu, reflesaun, dialogue juventude, atividade iha rate santa kruz ho kompetisaun sertame, pintura, diskursu publiku no kompetisaun desportu maka motor kros no sira seluk tan ikus ho konsertu.
Governante ne’e hatutan, orsamentu aloka ba munisipiu sira depende ba populasaun kada suku iha munisipiu sira ne’ebe orsamentu ba munisipiu sira ne’e la hanesan no iha munisipiu sira sei halo komemorasaun kada postu administrativu sira
“Orsamentu ita aloka ba komemorarasaun 12 Novembru iha munisipiu depende ba populasaun suku kada munisipiu sira ne’ebe orsamentu munisipiu sira hetan la hanesan no komerasaun ne’e ita sei halo ba kada postu administrativu iha ita nia munisipiu sira”, tenik Abrão
Reportajen : Augusto dos Santos