Imajen Komunikadu Imprensa husi Familia Matebean Isac Sinarai da Costa no Sekretariu Jeral IKS Kera Sakti iha Delta 4, Dili kuarta (11/01/2023)
SAPNewsTL, Dili: Sekretariu jeral Ikatan Keluarga Silat Kera Sakti Timor Leste (IKS) Samuel Guterres hatete, sira rekoñese matebian Isac Sinarai da Costa laos sira nia membru iha organizasaun arte marsial ne’e tanba nia la treinu iha kualker ranting iha territoriu Timor-Leste
“Ami mos hakarak klarifika ba publiku katak matebian Isac Sinarai Da Costa laos membru organizasaun IKS mak sai fali ba organizasaun arte ritual sete sete tuir estetmentu ne’ebe fo sai husi Chefe Casa Militar Presidente da Republica, maijor Fransisco da Silva ne’e lalos tanba ami nia membru hahu husi nivel foin tama to’o iha warga iha hotu dadus sira ne’e”. Dehan sekretariu jeral IKS (Ikatan Kera sakti) Samuel Guterres ba jornalista sira iha Delta 4, Dili kuarta (11/01/2023)
Sekretariu jeral ne’e mos hatutan, sira mos lamenta tebes ho deklarasaun Francisco da Silva no sira konsidera katak nia hasai uluk konkluzaun ne’ebe sira duvida ba PNTL nia servisu ba justisa nian no deklarasaun Francisco da Silva refere bele halai liu ba tendensia politika ne’ebe bele mos hamosu konflitu foun entre organizasaun IKS ho familia vitima nian no organizasaun arte marsiais ho ritual sira
Nia informa, sira husi organizasaun IKS hakarak kria paz no estabilidade iha rai doben Timor-Leste tanba sira mos konsiente katak asuwain barak mak lakon sira nia vida hodi hetan libertasaun nasional, sira ezizi polisia sira atu buka autor kriminozu ne’ebe mak halakon maluk matebian Isac Sinarai da Costa nia vida hodi prosesa tuir lei ne’ebe mak vigor ona tanba kazu ne’e seidauk klaru no los.
Entertantu sekretaria jeral ne’e husu ba membru organizasaun arte marsial IKS nian hahu husi klube, rantin to’o iha sukursal ne’ebe mak namkari iha Timor-Leste laran tomak atu mantein nafatin dixiplina no garatia nafatin estabilidade hodi kria paz no dame iha nasaun Timor-Leste.
Enkuantu Matebean nia Isac Sinarai da Costa nia aman mos deklara nia oan nunka treinu iha kualker arte marsiais no rituais ida iha Timor Leste tanba ne’e nia husu ba Xefe Kaza Militar Presidente da Republika hodi hasai fali deklarasaun ne’ebe nia hato’o ona publiku relasiona ho Isac Sinarai da Costa ne’ebe hetan oho tanba problema rai no involve iha organizasaun
Portantu, Xefe Kaza Militar Francisco da silva hato’o ona deskulpa ba familia matebean Isac Sinarai da Costa no Organizasaun IKS Kera Sakti Timor Leste no Sete Sete tanba nu’udar ema nia mos iha frakeza, nune’e nia husu perdaun ba familia vitima no organizasaun sira
Jornalista : Ermelinda Soares & Aquelina Mangalhaes