SAPNewsTL.Dili: Sekretaria Estadu Komunikasaun Sosial (SEKOMS) Mericio Juvinal Akara Hala’o Literasia Dijital Ba Estudante Eskola Sekundaria CRISTAL, Direktor Eskola Sekundária CRISTAL Rafael Savio fo agradese ba SEKOMS ne’ebe sensibiliza informasaun Positivu ba iha estudante sira
“Ami nia regulamentu no ami sei enkaixa iha Edukasaun Sivika, Historia,no Relijiaun, nune’e ba futuru bele uza internet ne’ebé mak iha ligasaun ba materia, enkaixa iha laran hodi forma alunus sira ne’e pozitivu no importante”.Tenik Director Rafael Savio iha nia Kna’ar fatin Balide, Dili 21/07/2022.
Director Rafael Savio ne’e akresenta sei servisu hamutuk ho inan aman estudante sira nian hodi fo kontrolu ne’ebe maximu ba atividade sira eskola nian
“Prossesu sei la’o neneik tanba tuir joven agora nian iha tempu modernu ita eduka no ami mos sei iha reguler ne’e sei enkontru ho inan aman hodi kontinua no kontrola ba atividades sira ne’ebe mak nia oan sira liu-liu ba iha ligasaun dijital internet ninian”.
Diretor ne’e hatutan preparasaun ba Exame nasionál ne’e prepara desde iha inisiu anu lektivu ninian hahu husi Primeiru ano to’o Terseiru ano husi mestre disiplina ida-idak, nia garante estudante sira preparadu hodi enfrenta ezame nasional bazeia ba kurikulum
Iha sorin seluk Estudante Izak dos Santos sente orgullu tanba husi sensibilizasaun ida ne’e sira bele hatene klean liu tan kona-ba realidade sosiedade Timor-Leste nian
“Orgullu tanba husi sensibilizasaun ida ne’e atu ami bele hatene klean liu tan,liu-liu iha sosiedade Timor-leste sobu dadaun ema nia hanoin, sensibilizasaun ne’e importante oinsa atu tau ketak no ita bele interpreta ba ita nia moris lor-loron no implementa iha moris nu’udar estudante”. Dehan Estudante Izak dos Santos
Enkuantu, Sensibilizasaun ne’e hetan partisipasaun maksimu husi estudante ensinu Sekundariu, estudante Primeiru Ano ba to’o Terseiru ano hamutuk Atus lima(500).
Jornalista : Aquelina Magalhaês