Vise Dekanu Asuntu Kooperasaun no Peskija Domingos de Souja Freitas
SAPNewsTL,DILI : Atu Selebra Ezisténsia Universidade Nasional Timor Lorosa’e(UNTL) ba dala XXII, Fakuldade Enjenharia Ciéncia no Teknolojia(FECT) Liu Husi Programa Timorense Academic Journal of Science and Tecnology hala’o semináriu Nasionál hodi fo espasu ba peskijador sira aprensenta sira nia resultadu peskija
Objetivu husi semináriu ne’e atu motiva estudante sira no hasa’e kunhesimentu estudante sira iha area kriasaun obra siéntifika liu husi peskija, analiza no forma sai artigu sientífika hodi kontribui ba desenvolvimentu sustentavel iha Timor Leste
Tuir Vise Dekanu Asuntu Kooperasaun no Peskija Domingos de Souja Freitas katak Programa Timorense Academic Jounal Academic Science and Tecnology iha Volume 5 ne’e na’in maka Fakuldade Enjenharia Siénsia no Teknolojia – UNTL
“Ita nia Timorese Academic Journal ne’e ninia nain maka Fakuldade Enjeñaria Siénsia no Teknolójia, ita publika ona volume 1 to’o 4, agora resente ne’e volume 5, nune’e volume ne’e ita nia peskizadór sira, molok mai halo aprezentasaun, sira submete sira-nia paper ne’e mai iha Operation Unique (OU), ita simu tiha sira-nia paper hotu ita manda kedas ba iha the viewer sira hodi avalia no selesiona”. Tenik Vise Dekanu Asuntu Kooperasaun no Peskija Domingos de Souja Freitas ba Jornalista SAPNewsTL iha Auditorium FEST-UNTL Hera, 28/10/2022
Vise Dekanu ne’e akresenta, semináriu ne’e hanesan prosesu ida antes tama ba Publikasaun final, papers hirak ne’e mai husi autor sira ne’ebe mak diferente ho total 25 paper
Imajen
“Seminar ne’e hanesan kontinuasaun hosi prosesu ida molok atu ba publikasaun final, nune’e ita nia papers hamutuk 25, mai hosi autor ne’ebé diferente hanesan IPG (Instituto petroleo e Geologia) hanesan parte external inklui internal, ita nia paper sira nee orsida serminar hotu tiha feedback sira neebé mai hosi partisipante hodi hadia Papers”. Nia hateten
Entretantu, papers hirak ne’e review husi reviewers sira husi Japanes Timorense Academic hanesan Nagaoka Tecnology University, Gifu University, Ymago university no Gyus University, hafoin halo revizaun sira halo feedback, nune’e hakerek na’in sira bele hadia no ikus mai sira nain haat sai selesionadu
Vise dekanu ne’e enkoraja Dosente sira, estudante sira atu buka halo peskija, hakerek no absorve siensia bazeia ba realidade timor nian hodi kontribui ba desenvolvimentu nasionál
Timorense Academic Journal of Science and Tecnology, Volume Five’ ne’e partisipa husi doutor sira, Maestradu no dosente sira inklui peskijador sira hamutuk tolunulu resin-lima, entre sira 25 passa no nain haat sai selesionadu mak hanesan Eng. Moises Soares (IPG.IP), Antonio de Jesus Lira (Presidente AGL-Lautem), Dr. Eng. Lelis Fraga (Pro-Reitor Para Assuntos de desenvolvimento Institucional-UNTL, Lecture For mechanical Departament), no Eng. Jose Maria Xavier (Diretor Departamentu Mekánika)
iha fatin hanesan, Peskijador eng. Moizes Soares sente orgullu tanba bele selesiona nia sai the best paper husi papers 35 liliu bele apresenta ninia paper ba estudante sira inklui dosente sira
Imajen Eng. Moizes Soares
“Senti orgulhu tanba bele selesionadu sai hanesan the best paper liliu hetan review husi peritus sira iha area Geofizika ne’ebe iha nasaun avansadu hanesan universidade sira iha Japaun ne’ebe iha esperensia no kualifikasaun aas tebes. Durante iha prosesu review hetan sujestaun barak husi professor sira, ida ne’e faze ne’ebe mak aprende liu tan hodi hasa’e liu tan konhesementu iha artigo sienfitiku”. Dehan Moises
Eng. Moizes mos fo apresia ba komisaun husi TAJST, tanba hahu rekonhese abilidade timor oan rasik iha estudu sientifiku. Husi award ida ne’e bele motiva timor oan seluk atu halo estudu sientifiku barak liu tan iha futuru mai bele sai fatin publikasaun nivel internasional, atu realiza esperansa ida ne’e presija Timor oan hotu nia kontribuisaun iha papel hakerek artigu sientifiku.
Nia fundamenta, iha andamentu reklla dadus, peskija no elabora enfrenta dejafiu ba hakerek ho lingua inglesh, Iha parte seluk mak referensia estudu geofizika iha Timor la iha, ne’e duni presija lee artigu sientifiku husi rai seluk atu ne’ebe bele kompriende didiak kazu iha Timor Leste. Hahu husi tinan hirak liu ba to’o ohin loron timor oan ne’ebe mak konsentra iha area geofizika menus los, ira iha lubun kiik oan ida ne’ebe foin hahu halo estudu rasik iha Timor Leste.
Iha Sorin seluk, The Best Selected Papers Antonio de Jesus Lira mos sente orgullu tanba bele sai selesionadu entre papers 25
“Ha’u Orgullu tanba entre 25 Papers, paper ne’ebe ha’u hakerek kona-ba ‘A New Insight For Sustainable Future of Timor Leste And Suggestions for its Management Geodiversity, Geoheritage Conservation and Potential Geopark’, hamutuk ho papers tolu seluk sai selesionadu husi papers ruanulu resin lima, ne’e sai motivasaun ida mai hotu atu luta nafatin ba futuru to’o Timor Leste ba Geoparke hodi kontribui ba desenvolvimentu sustentavel”. Dehan Antonio Lira ba SAPNews
Iha semináriu nasionál ba TAST (Timorese Academics Science and Technology) ba volume 5(CINCO) ninian, paper ne’e selesionadu hanesan Best Paper ne’ebé avaliadu hosi professor doutor sira hosi Japaun ou editorial word hosi jornál ne’e rasik, Antonio konsidera paper ida ne’e sai hanesan valor importante ida ba researches liliu kona-ba estudu ba Geopark, luta nafatin, challenges nafatin to’o atinji mehi ida katak mehi Timor-Leste ba Geopark.
Nia hatutan, iha konseitu Geopark prinsipál maka fenómena Geolójia ou Geodiversity (Geo Diversidade ne’e rasik) portantu iha Geo diversidade ou fenomena Geolojia sira kompostu iha aspetu Geolójiku sira, aspetu geomorfolójiku sira no mós aspetu Hydro Graphis (hidro gráfiku sira) inklui mós solus
Enkuantu, Publikasaun obra sientífika iha volume dahuluk to’o volume 5 hamutuk atus rua resin, entre sira artigu 30 mak publika ona iha jornal internasionál.
Entretantu, semináriu refere hala’o durante loron rua husi loron 27-28 fulan outobru, iha ne’ebe hetan apresentasaun oioin husi peskijador sira ho tópiku ne’ebe la hanesan no hetan partisipasaun maksimu husi estudante Fakuldade Engenharia Siensia no Teknolojia-UNTL.
Jornalista : Rivaldo Cardoso
Editor : Ekipa Editorial