Imajem Partisipantes iha seminariu, iha sala leitura Xanana Gusmão Licedere, Dili (08/03/2023).
SAPNewsTL, Dili: Prezidente Rotarack Club of Dili (RCD) iha loron 8 fulan marsu 2023 selebrasaun loron mundial feto nian husu mane sira iha media sosial tenki respeitu feto sira iha Timor-Leste hodi fo motiva no korajen feto foinsa’e sira
“Ha’u husu ba kolega mane sira bainhira uza media sosial labele viola feto sira nia direitu, maibe tenki respeita mos feto sira nia direitu iha media sosial, ita presiza luta hodi garante direitu feto nian, tanba dalabarak ema sempre halo diskriminasaun ba direitu feto nian, nune’e ita presiza proteze direitu feto no promove katak feto iha direitu importante iha sira nia moris”. Dehan Prezidente RCD Amandina Maria Helena ba jornalista iha sala leitura Xanana Gusmão Licedere, Dili (08/03/2023).
Imajen: Prezidente RCD Amandina Maria Helena
Prezidente ne’e hatutan, iha impaktu barak ne’ebe halakon feto sira nia partisipasaun iha dezenvolvimentu maka hare’e husi sisitema patrialkal ne’ebe sai buras nafatin halo feto laiha partisipasaun ho mane sira, tan ne’e atu promove feto hodi partisipasaun saida deit presiza halo advokasia no kampania atu bele dezenvolve feto sira nia partisipasaun.
Iha fatin hanesan. Estudante husi Universidade Dili Cristiano Ronaldo da Costa Alves hatete, iha konstituisaun Republika Demokratika de Timor Leste, artigu 17 define katak feto no mane iha direitu no obrigasaun hanesan iha moris familia, kultural, sosial, ekonomiku no politika nia laran tanba ne’e mane sira tenki defende feto sira iha Timor-Leste
“Ohin ita selebra loron Mundial Feto tanba feto nia knaar importante tebes bainhira mane balun julga feto maibe iha konstituisaun RDTL liga ba artigu 17 katak feto hanesan ho mane tanba ne’e feto iha direitu, ami mane mos defende ba feto iha revolusionariu demokratiku hodi bele defende, mentaliza nia an sai feto ne’ebe efisiente lolos hodi bele jere nia an, adapta saida mak mak nia esforsu hodi bele promove nia an rasik ba familia sira no mos ba sosiedade sira hodi nune’e kontribui estadu iha ita nia rai Timor Leste”. nia sublinha
Imajen: Partispante Elda de Jesus
Iha sorin seluk, Partisipante Elda de Jesus afirma, ohin selebrasaun loron mundial ba feto sira nian iha mundu espesial liu iha Timor Leste atu feto hotu hotu bele partisipa iha atividade saida deit mak iha Timor Leste.
“Ohin ita halo selebrasaun loron mundial ba feto sira nian iha mundu espesial liu iha Timor Leste atu feto hotu hotu bele partisipa iha atividade saida deit mak iha Timor Leste, hanesan feto ida orgullu no kontente tebes iha Timor Leste feto foinsa’e sira mos selebra loron, partisapasaun feto bele lori inspirasaun ba maluk foinsa’e feto sira atu hamriik mesak iha Timor Leste”,nia fundamenta
Nia akresenta, dala barak feto sempre sai vitima ba autor sira iha kualker atividade saida deit, feto sempre hasoru diskriminasaun iha Timor Leste, atividade ohin loron selebrasaun ne’e partisipasaun feto mak barak tanba bele motiva sira no lori sira oinsa atu konese dalan ne’ebe mak feto hamrik mesak la tauk atu hamrik iha oin ho mane sira iha Timor Leste
Nune’e, Foinsa’e ne’e husu ba feto foinsae sira iha Timor-Leste, labele husik ann iha deit fatin maibe habrani ann iha kualker eventu saida deit mak iha no labele fo deit oportunidade ba mane sira, feto bele, mane sira tenki hanoin katak feto nia papel importante ida ba nasaun no tenki suporta sira iha situasaun saida deit mak sira hasoru mane mos bele suporta sira para lori feto bele hamriik metin liu tan iha Timor-Leste
Jornalista : Antonio Tilman