Imajem : Prezidente Konsellu Administrativu Sentru Nasional Chega, Manuel Mesquita Pereira
SAPNewsTL, Dìli – Centro Nacional Chega Instituto Públiku (Sigla Português CNC I.P), komemora aniversáriu ba dala-7 ho tema Reforsa parseria Institucional hodi Promove Medida Reparativa
Diretor Ezekutivu Centru Nasional Chega Hugo Maria Fernandes hateten CNC nia aniversáriu ba dala-7 ne’e ho tema “reforsa parseria institusional hodi promove medida reparativa.
“Chega halo parseria diak ho estadu, governu, organizasaun sosiedade sivíl durante ezistensia ba tinan hitu (7) maibe seidauk fo signifikansia hanesan agora ita senti tanba ne’e tinan ida ne’e Centru chega hanoin katak halo parseria ne’ebe diak ho parseiru sira ne’ebe bele fó efeitu diak.”dehan Diretor Ezekutivu Centru Nasional Chega Hugo Maria Fernandes bá jornalista sira iha ambitu aniversário CNC, iha salaun CNC, tersa-feira(16/07/2024).
Iha fatin hanesan, Prezidente Konsellu Administrativu sentru nasional chega Manuel Mesquita Pereira, hateten seminariu ne’ebe ho tema reforsa parseria institusional hodi promove medida reparativa ne’e importante ba CNC atu tau iha planu estratéjiku ba tinan lima ba oin.
“Medida reparativa ne’e sai hanesan ajenda prinsipal tanba ne’e misaun ne’ebe estimula iha dekretu lei 48/2026, iha kriasaun CNC nian ne’e ezize sentru nasional institutu publika ida ne’ebe tenke hala’o servisu hodi reforsa medida reparativa atu hare’e ba sobrevivente husi ita nia istoria pasadu sira”. nia informa
Nia haktuir medida reparativa ne’e sai servisu bo’ot ba CNC durante tinan lima(5) ba oin atu rezerva istoria pasadu hodi tau iha kurríkulu eskola nian, nune’e mos programa medida reparativa ne’e atu ajuda tau matan ba ita nia sobrevivente, nia informa
Prezidente Konsellu Administrasaun Centro Chega agradese ba parseiru sira hotu ne’ebé durante halo kooperasaun servisu di’ak ho Centro Chega no nia husu atu kontinua hametin kooperasaun servisu ba iha futuru
Enkuantu Centru Nacional Chega konsentra iha asuntu tolu (3), primeiru perservasaun memoria pasadu nian, segundu konsentra ba iha area edukasaun oinsa atu introdus memoria istoria sira ne’e liu husi setor edukasaun no ikus hare liu bá kultura.
Jornalista : Ariqui Crisanto Colo