SAPNewsTL, Dili -Presidente Conselho Imprensa(Sigla Portugues CI), agradese ba media Sa’ani Assanama Prazer News Timor-Leste(SAPNews-TL) ne’ebe existi ona tinan rua hanesan media plataforma online, iha Timor-Leste ne’ebe konsege liu ona desafiu sira.
Presidente CI Otelio Ote haktuir bainhira instituisaun harii no nia ezistensia liu ona fulan tolu signifika katak etapa husi dezafiu primeiru bele hakat liu, no media SAPNewsTL halo ona tinan rua(2) signifika tama ona ba etapa hametin, no instituisaun nia ezistensia sei normal bainhira tama ba iha tinan tolu(3).
“Parabens ba SAPNewsTL, ohin halo tinan rua. Ita agradese mos tanba ekipa SAPNewsTL ne’e forte, iha ne’ebe mak jestaun ba sira nia ekipa rasik, hodi kobertura buka notisia, sira mos iha ema rezerva hanesan kursus jornalismu basiku iha fatin balun depois mai estagiu. Espera mos sira fo balun ba voluntariu depois fulan tolu karik hare’e sira ne’ebe diak, nune’e bele voluntariu tinan ida hanesan ne’e para ita bele iha ema rezerva iha kotuk”.Dehan Presidenti Conselho Imprensa, Otelio Ote ba jornalista sira iha salaun UNITAL,Sexta-feira(23/02/2024)
Nia afirma katak hanesan komunikasaun sosial ne’ebe kontribui tiha ona ba knaar bain-bain, hanesan instituisaun sira ne’ebe eduka informa, kontrola no diverte publiku espera katak jornalista sira ne’ebe serbisu iha media ne’e, jestor sira fo fatin ba sira tuir prosesu sira ne’ebe ho dignu atu hetan karteira estagiadu profisional. Karteira profisional ida ne’e importante tebes tanba jornalista sira bainhira hala’o nia knaar tenke iha karteira profisional.
Presidenti CI parabeniza media SAPNewsTL ne’ebe mak halo nia ezistensia ba dala-2 no nia esperansa ba media ne’e hodi diak liu tan iha futuru oin mai
Festeza aniversário média Sa’ani Assamana Prazer News Timor-Leste (SAPNews-TL) ba dala rua (II), ho tema jéral, Média Espiritu ba liberdade, Demokrásia Justisa Domin no Paz” hetan partisipasaun ofisiálmemte Sekretáriu Estadu Comunicação Social (Secoms), Expeditu Dias akompanha husi Prezidente Conselho Impresa (CI), Otélio Ote, Prezidente Média SAPNews, Diretor no Konseleiru sira, lansa marsa SAPNewsTL, Revista SAPNewsTL, lansa plataforma média sosial YouTube Instagram, Tik tok no Twitter.
Aleinde halo lansamentu ba plataforma hirak ne’e, SAPNewsTL ofisilializa mos novu Konseleiru nain hat (4) hanesan Dra. Ligia Tomas Correia, Joana Pereira Miranda, Judite Dias Ximenes no Agostinho de Sousa, iha biban ne’e mos sertifika estajiadu nain lima ne’ebe hala’o estajiu profisionál iha média SAPNews-TL, iha salaun Uversidade Nasional Timor Lorosa’e.
Jornalista : Ermelinda Soares