Imajem : Xefi Gabinete relasaun Externa no Komunikasaun Nelson De Orleans, iha salaun, APC Kaikoli, Segunda (29/04/2024)
SAPNews TL, Díli – Durante semana ida nia laran Autoridade Protesaun Sivil Timor-Leste (APC TL sigla Portugués), liu husi Gabinete relasaun Externa no Komunikasaun, rejistu xefi familia 27 husi Municipiu hitu (7), iha territóriu nasionál afetadu dezastre natural
Xefi Gabinete relasaun Externa no Komunikasaun Nelson De Orleans hateten, relativamentu Autoridade Protesaun Sivil Munisipiu rekolha ona dadus kada familia afetadu, hodi submete mai iha nasionál, nune’e ekipa nasionál relata ba públiku dezastre durante semana ida nia laran.
“Autoridade Protesaun Sivil hato’o relatoriu mensal semana ida nia laran iha teritoriu Timor-Leste husi dia 22 to 29 husi parte APC nian registu xefi familia 27, hanesan, Munisipiu, Baucau anin sobu uma ida, Munisipiu Bobonaru anin sobu uma rua (2) Munisipiu Covalima anin sobu uma ida, Munisipiu Lautem ahi han uma ida, Munisipiu Manatuto anin sobu uma lima, Manu-Fahi bee tama uma ida, no Munisipiu Viqueque ani sobu uma tolu, (3) inklui ema ida mate”.Dehan Xefi Gabinete relasaun Externa no Komunikasaun Nelson De Orleans, ba Jornalista sira iha salaun, APC Kaikoli, Segunda (29/04/2024)
Nia argumenta, hafoin akontese dezastre naturais ekipa APC halo kedas evakusaun ba vitima sira inklui apoiu nesesidade basika emerjensia ba vitima sira iha Munisipiu hitu ne’ebe ekipa APC rekolha dadus, nune’e rekoperasaun ba sira nia uma ida-idak husi APC halo ona rekoperasaun uma hamutuk atus tolu sia (309), ba familia iha Municipiu hat (4) Ainaro,Manu-Fahi, Lospalos,no mos Ermera, nia salienta.
“Tuir dadus ne’ebe ami nia ekipa APC rekolha Municipiu Ainaro, Lospalos no Ermera sidadaun balun mate, tamba kauza husi anin bo’ot sobu uma mak hanehan hodi rezulta vitima lakon vida, Kona-ba sidadaun ne’ebe mate APC seidauk halo serbisu hamutuk ho parte autoridade Munisipiu, tanba informasaun saida mak APC informa bazeia ba Despaixu”.nia informa
Tuir dadus husi APC hatudu katak semana daikus fulan abril nian, komunidade nia uma 14 hetan afetadu ba dezastre inklui ema ida mate, enkuantu vítima hirak ne’e hetan ona apoia urgente husi APC.
Jornalista : Eleonora Fátima dos Santos