SAPNewsTL, Manatuto : Relasiona ho Komemorasaun loron nasional Joventude ba dala XVIII no Komemorasaun loron masakre Santa cruz ba dala XXXII, Joventude, Postu Administrativu Soibada, munisipiu Manatuto, organiza seminar ho tema, (Espiritu 12 de Novembru Promove Kriatividade no Pensamentu Kritiku Foinsa’e hodi Hari’i Kontribuente no Inklusivu)
Tuir Prezidente,Komisaun Organizadora , Francisco Julio da Costa Amaral, hatete objetivu realiza seminar ida ne’e atu reflete ba sakrifisiu, heroi no heroina sira nia luta, kontra invazaun Indonesia durante tinan 24 hodi hatudu ba mundu Timor-Leste nia sofrimentu liu husi sakrifisiu sira ne’ebe Joventude loriku asu wain sira hatudu ho asaun breve iha tinan 1991
“Komisaun Organizadora hamutuk ho estrutura tomak iha Postu administrativu, Soibada, munisipiu Manatuto, ami estabelese ona kada seksaun hodi organiza eventu Komemorasaun loron nasional Joventude ba dala (18) no Masakre santa cruz ba dala (32) tamba ne’e Komisaun rasik iha planu halo programa seminar ida ho objetivu atu akumula Joven,estudante, autoridade lokal no inan aman sira atu bele hola parte hodi rona palestra husi sobrevivente sira no partisipa masimu iha komemorasaun tinan historika ne’e “
Dehan Prezidente Komisaun Organizadora Francisco Julio da Costa Amaral, ba SAPnews, hafoin remata seminar iha salaun administrasaun postu administrativu Soibada , Sabadu, (11/11/2023)
Prezidente komisaun ne’e, akresenta Komisaun rasik iha planu halo programa seminar ida ho nia topiku geral Espiritu 12 de Novembru Promove Kriatividade no Pensamentu Kritiku Foinsa’e hodi Hari’i Kontribuente no Inklusivu, ho nia sub topiku haat (4) mak hanesan, Patisipasaun igreja katolika iha tempu rezistensia, Oinsa motiva joven sira partisipa iha prosesu dezenvolvimentu, Oinsa partisipasaun Joventude uluk no agora, no kria paz estabilidade hodi prevene violensia”.
Seminiariu ne’e bele halibur Foinsa’e sira ho antusiasmu hodi hato’o felisitasaun onradu no signifikadu ba heroi sira liu husi animasaun drama ho sentidu reflesaun ba joventude loriku asu wain, entre militar indonesia hodi halo alsaltu ba Joventude loriku asu wain sira iha semiteriu santa cruz iha tinan 31 ba kotuk.
Entertantu,Sobrevivente Eurico da costa haktuir, iha loron 12 fulan Novembru tinan 1991 Joventude loriku asu wain reorganiza malu hodi hanoin hikas saudosu Sebastiao Gomes nia mate ne’ebe hetan tiru husi militar indonesia iha loron 28 fulan outubru 1991.
Nune’e sira hakilar ho lian maka’as hodi hamosu provokasaun ba militar indonesia, hafoin inimigu sira hahu asalta sira ho armada hodi rezulta Joventude atus rua resin mate fatin no sira seluk konsege evakua ba komunidade nia uma.
“Tan ne’e, Ha’u husu ba joventude sira atu hakruk garantia proporsionalidade ba imi nia an, tamba papel Joventude mak atu liberta povu no liberta patria, laiha ona tempu atu baku hirus matan ba malu ho lian kroat katak imi mak inimigu no ami mak veteranu nia oan, maibe tempu ona atu ita sedere kabas ba malu, lolo liman ba malu hodi hari ita nia nasaun konstroi dezenvolvimentu iha rai lulik Republika Demokratika de Timor-Leste (RDTL)”. Nia Sublinha
Enkuantu, Semináriu ne’e hetan partisipante maximu husi Komunidade juventude no Autoriedade Lokal sira iha Postu Administrativu Soibada Munisipiu Manatuto.
Jornalista : Guikhermino Ramos da Cruz