Ministeriu Turizmu Komersiu Industria Jose Lucas do Carmo da Silva
SAPNewsTL, DILI – Ministériu Turizmu Komérsiu Industria Jose Lucas do Carmo da Silva hasoru malu ho Primeiru Ministru Taur Matan Ruak iha segunda-feira ne’e, objetivu husi sorumutu ne’e atu aktualiza servisu ne’ebe MTKI inklui preokupasaun sira ne’ebe enfrenta durante ne’e
“Informa ba PM katak agora dadaun ita haruka hela ekipa ida ba tuir expo Osaka ne’ebé sei realiza iha tinan 2025, maibé ita nia ekipa hahú ba partisipa ona, nune’e sira bele halo diskusoens preparativus iha Tokiu”. Dehan Ministru Turizmu Komérsiu Industria Jose Lucas do Carmo da Silva ba Jornalista sira iha Palasiu Guvernu, 24/10/2022
Governante ne’e hatutan, iha tempu badak MTKI sei lori programa ne’e ba Konsellu Ministru hodi estabelese autoridade ida hanesan uluk Governu Timor Leste hala’o preparasaun hodi partisipa iha eventu ne’ebé realiza iha expo Dubay
Jose Lucas salienta MTKI prepara ona pakote lejislativu ka lei turizmu ne’ebe sei apresenta ba Primeiru Ministru no Parlamentu Nasionál hodi diskute
“Ami mos hato’o ba PM katak iha Ministériu Turizmu Komérsiu Industria prepara hela pakote lejistativu lubuk ida kona-ba MTKI nian, nune’e bele lori mai apresenta ba PM no Parlamentu Nasionál kona ba lei turizmu nian, dekretu lei atu estabelese autoridade nasionál turizmu inklui dekreitu lei ida atu haree oinsa atu dada taxa ba fatin turistiku sira iha rai laran ne’ebé durante ne’e seidauk regula”. Nia Teni
Governante ne’e rekoñese katak durante ne’e Timor Leste seidauk iha lei ida vigora iha rai laran ko’alia kona-ba ba oinsa estabelese autoridade nasionál turizmu oinsa dada taxa ba fatin turistiku sira iha territóriu nasionál.
MTKI mos informa ba PM kona-ba atividade Ro kuzeiru ne’ebé mak foin mai vizita Timor, TL hakarak hametin nafatin relasaun ho sira, nune’e oinsa governu hamutuk ho komunidade bele promove fatin turismu iha rai laran no bele dada turista sira bele mai vizita nafatin
Entretantu, Ministru mos informa ba PM kona-ba atividade rekriativu balun hanesan jogus ne’ebé iha mahon ministériu Turismu Komérsiu Industria nian hanesan bolagulin ne’ebé MTKI iha kompetensia hodi regula no halo fiskalizasaun ba jogadores sira, ministériu mos durante tinan ida nia laran sei atua jogus balun ne’ebé laiha dokumentu legaliza
“Durante ne’e MTKI kopera ho PNTL hodi hapara jogus balun ne’ebé deskonfia laiha dokumentu legal entaun ami hapara ona iha Munisípiu tolu hanesan Suai, Dili no Baucau”. Ministru Sublinha
Enkuantu, Kona-ba komersiu, Ministru Jose Lucas komfima Programa Loja do Povu, Governu sei aumenta orsamentu hamutuk $ 50 milliões ba BNCTL hodi administra programa ne’e
“Ita iha programa loja husi povu ne’ebé durante ne’e la’o, iha tinan 2021 ita establese loja husi povu hamutuk lima, ita hakarak programa ne’e kontinuasaun, agora atu implementa tan nia progresu la’o hela, entaun MTKI atu haree kona-bá kadeia de valor, agora aumenta presu ba programa ne’e hamutuk 50 milhoens, nune’e oinsa maka bele trasfere 50 milhoens USD ne’ebé iha husi governu ba BNCTL, agora prosesu ne’e iha hela finalizasaun ita sei haruka dokumentu ne’e ba tribunal de kontas atu hetan vistu previa molok halo transferensia”.hakotu nia.
Jornalista : Aquilina Taec
Editor : Ekipa Editorial