Imajem : Presidente República José Manuel Ramos Horta iha Palásiu Presidensial Aitarak-Laran, 20/05/2025. Foto : Marciana da Conceição
SAP News TL, Dili : Iha âmbitu komemorasaun 20 Maiu ba dala XXIII, Prezidente Repúblika José Ramos Horta kongratula IX Governu Konstitusionál, partikular Primeiru-Ministru Kay Rala Xanana Gusmão, ba susesu relizasaun Forum Fronteira Tasi iha Dili.
Marciana Da Conceição Jurnalis – SAPNews
“Ha’u aproveitamos momentu solene ida-ne’e atu fó parabéns ba ita nia Governu no liu liu Primeiru-Ministru Kay Rala Xanana Gusmão ba realizasaun ho susesu Fórum kona-ba Direitu Tasi nian no Resolusaun ba Disputa sira kona-ba Fronteras Maritimas, ne’ebé halibur figura importante na’in 100 ne’ebe matenek direitu internasionál no Direitu Tasi.” Hateten PR Ramos Horta iha Palásiu Prezidensiál, Nicolau Lobato, 20/05/2025
Realiza mos Forum Internasionál Dili 2025 kona-ba Liberdade Imprensa no intelijénsia Artifisial, ne’ebé organiza hosi Konsellu Imprensa hodi hatan ho vizaun ba dezafiu sira ne’ebé hamosu hosi intelijensia artifisiál, media sosial no demokrasia dijitál, Timor-Leste reafirma ona ninia kompromisu ba sosiedade ida ne’ebe livre, nakloke no iha prova ba futuru.
Fórum ida ne’e destaka nu’udar espasu vital ida ba reflesaun no partilla, iha ne’ebé lian nasionál no internasionál sira halibur hamutuk iha objetivu komún ida: atu garante katak teknolojia serbí umanidade, katak liberdade espresaun hetan protesaun katak demokrasia kontinua kuda ho responsabilidade no transparensia.
Loron 21-23 Maiu, Timor-Leste sente onradu sai uma-na’in ba Semináriu Rejonál kona-ba Deskolonializasaun, ne’ebé ko-organiza husi Governu Timor-Leste no Komité Espesial Nasoins Unidas nian kona-ba Deskolonializasaun (C24).
“Enkontru importante ne’e, hala’o ba dala uluk iha Dili. Hetan partisipasaun hosi diplomata liu 100 ne’ebé akreditada iha Sede Nasoins Unidas nian iha Nova lorke, nune’e mós reprezentante diplomátiku sira hosi nasaun sira iha rejiaun Pasífiku, ne’ebé fó onra ba ita ho sira-nia prezensa”, sublinha PR Horta.
Prezensa bainaka sira hosi Nova Iorke mai Timor-Leste nu’udar razaun ksolok no onra nian hodi hatudu Timor-Leste nia kompromisu konstitusionál ba prinsípiu sira autodeterminasaun no deskolonilizasaun nian ne’ebé seidauk hotu iha territoriu barak.
Eventu hirak ne’ebé mensiona ona akontese iha momentu ida ne’ebé partikularmente simbóliku, bainhira Timor-Leste selebra aniversáriu ba dala-23. Prezesa hosi konvidadu sira ne’e reforsa rekoñesimentu hosi Timor- Leste nia trajetória no nia lian ativu iha Nasoins Unidas nia laran, liliu kona ba promosaun hosi direitu hosi povu sira ne’ebé sei iha administrasaun koloniál-nia okos.
Timor-Leste, nasaun ida ne’ebé moris rasik prosesu deskolonizasaun, simu enkontru rejonál Pasífiku ne’e ho espiritu solidariedade, responsabilidade no esperansa. Atu enkontru ne’e bele kontribui ba hametin momentu internasionál ba mundu ida livre hosi kolonializmu, iha-ne’ebé povu hotu-hotu bele ezerse tomak sira-nia direitu ba liberdade, dignidade no hili sira-nia futuru rasik.
Serimónia solene 20 de Maiu tinan ne’e hetan partisipasaun hosi konvidadu espesiál espesiál embaixadora Menissa Rambali, Chair (Xefe) Komité espesiál ba deskonlonializasaun (C24), Konvidadu espesiál Brigadeiru Jenerál Forsa Armada Indonézia nian, Joao Xavier Barreto Nunes hanesan komandante rejionál forsas (TNI) ba rejiaun orientál (DANREM-NTT).
Serimónia solene 20 de Maiu Partisipa mos hosi Primeiru Ministru Kay Rala Xanana Gusmão, lider órgauns soberania sira, membru Parlamentu Nasionál, membru IX Governo konstitusionál, Embaxadores, Veteranos ho povo iha sidade Dili.