Tatoli Ikus ! Saudozu Dudu : “Nasaun Nia Futuru, Entrega Ba Joven Sira”.

SAPNewsTL, Ermera : Wainhira Jornalista Mídia Sapnews halo entrevista Saudozu Ernesto Fernandes Dudu, nia dehan nasaun ne’e nia futuru jerasaun tuan sira sei entrega ba joven sira hodi ukun tanba ne’e tenki servisu makaas no kuidadu nasaun ne’e.

Saudozu Ernesto Fernandes Dudu ba joven sira iha rai-laran no rai-liur :

1. Ami uluk jovens, ami deside ba ai-laran tanba hakarak ukun rasik, ami luta no dedika an, ohin loron nasaun ne’e livre ona husi inimigu nia ukun.

2. Ohin loron ita hetan ona ukun an, ami entrega nasaun ne’e ba imi joven sira nia liman hodi servi, tane no kuidadu.

3. Timor-Leste nia ukun an ne’e sosa ho ema barak nia mate, ita ne’ebe sei moris, ita tenki tau matan ba sira ne’ebe faluk, oan kiak no valoriza sira ne’ebe sei moris liliu veteranu sira, faluk sira no oan kiak sira.

4. Veteranu sira tenki hamutuk ukun rai ne’e no kuidadu povu ida ne’e tanba ita ukun an para atu sira bele moris diak.

5. Ba SAP News TL, imi joven sira mak hamutuk hari’i, ne’e diak, imi tenki foti espíriti luta ne’ebe ami uluk iha mak badinas, esforsu, kuidadu malu no matan moris nafatin hodi defende povu ida ne’e. Imi kontinua sai lian ba ema hotu.

Wainhira Jornalista Mídia Sapnews na’in neen ne’ebe halo vizita no entrevista ba Saudozu Ernesto Fernandes Dudu, molok husik hela nia, Dudu dehan ba SAPNews :

1. Imi fila bá, haree dalan, kuida an no servi didiak rai ida ne’e, ami aman sira apoia imi nia servisu.

Saudozu Ernesto Dudu, Ba hamutuk ho Maroamk, hela ho Maromak no la’o ho Maromak iha nia poder santu iha lalehan leten aas liu. Adeus….. Adeus..Obrigadu barak Ba dedikasaun tomak. Boa viajem, Semo Aas Ba, Eroi funu na’in.

Jornalista : Ermelinda Soares
Foto : Daniel da Silva
Ermera, 18 Janeiro 2025