Imajen Intervista Xefe Casa Militar Interino Presidensia Repúblika, Major Francisco da Silva
SAPNewsTL (Dili) : Iha Sorumutu entre Konsellu Superior Defeza no Seguransa (KSDS) ho Sua Exselensia Presidente da Repúblika Jose Manuel Ramos Horta, iha enkontru ne’e ko’alia kona-ba situasaun ne’ebe sidadaun Timorense hasoru iha Nasaun Maun Alin Portugal.
Hafoin Sorumutu, Xefe Casa Militar Interino Presidensia Repúblika, Major Francisco da Silva hateten Presidente da Repúblika konvida Polícia Cientifika Investigasaun Criminal(PCIC), Policia Nasional Timor Leste no membro Conselho Superior Defeza no Seguransa hodi buka tuir ajensia sira ne’ebe fasilita no haruka Timor oan ba Rai-liur.
“Iha reuniaun ne’e ita nia Presidente da Repúblika preokupa tebes ho situasaun ita nia sidadaun Timorense sira iha Rai-liur, Liliu iha Portugal tanba deit ho ajensia sira ne’ebe mak koopera iha Dili laran bosok ita nia sidadaun sira dehan atu ba hetan servisu iha Rai-Liur”.(Dehan Chefe Casa Militar Francisco Da Silva iha Palasiu Presidensial Nicolau Lobato Bairo-Pite Sexta-feira ne’e 07/10)
Tuir nia, sidadaun sira ne’ebe fasilita husi ajensia sira atu hala’o servisu iha ema nia Rai hamutuk rihun 5.
“Ita nia sidadaun Timorense ema rihun 5 resin, oras ne’e iha Rai-liur tanba deit atu ba servisu ho liafuan bosok, ita nia sidadaun sira oras ne’e terus hela iha ne’eba, entaun sira maka sai vitima”.(tenik Francisco)
Imajen Reuniaun Konsellu Superior Defeza no Seguransa
Xefe casa Militar Presidensia Republika Interino ne’e akresenta Ajensia sira ne’ebe mak servisu iha Rai laran sira ne’e bosok i sira servisu hamutuk ho ajensia ne’ebe maka trata bilhete hodi haruka Timor oan ba servisu Rai-Liur
“Bilhete ne’e halo husi Timor Ba to’o iha Rai liur, depois kontinuasaun laiha agora fila fali mai ladiak ita nia sidadaun sira tauk fila tanba deit sira husu osan iha familia sira kolega sira empresta Osan ho montante 2 mil too 3 mil dolares”.( Xefe Casa Militar esplika)
Aleinde ida ne’e, sidadaun na’in 20 ne’ebe fila mai Timor 7 husi Abudabi, No nain 13 Mai husi Malasia
“sira ne’e fila ona, ita lahatene nain 20 ne’e, se se ita la identifika maibe ida ne’e ita nia PCIC sira mak hatene ho ita nia PNTL sira mak hatene”.(Sublinha Nia)
Jornalista : Vinsensius Saldanha
Editor : Ekipa Editorial